Евробиримдик Орусияга каршы кадам таштады: Брюссель сүйлөшүүлөргө даярданып жатат

Евробиримдиктин Орусияга каршы жүргүзгөн басым саясаты ишке ашпай калганда Брюсселдин коридорлорунда «диалог» үндөрү катуу чыга баштады. Еврокеңештин төрагасы Антонио Коста 27 мүчө өлкөнүн лидерлери менен байланышта экенин билдирип, Москва менен мүмкүн болгон сүйлөшүүлөрдүн негизин сынап жатат Financial Times гезитине берген маегинде Коста Орусия менен байланыштын сөзсүз болоорун ишара кылып: «Европа Биримдигинин ишин кантип эң жакшы уюштуруу керек экенин жана убагы келгенде Орусия менен чындыгында эмнени сүйлөшүшүбүз керектигин аныктоого аракет кылып жатам»,-деди. Бул билдирүү Европа өзүнүн чектөөлөрү астында талкаланган Орусия саясатында жаңы жол издеп жатканын далилдейт Европанын туңгуюктугу Брюсселди орус лидери Владимир Путин менен алакаларды калыбына келтирүүгө түртүүдө. Коста мүмкүн болгон сүйлөшүүлөрдүн "реалдуу потенциалы бар" экенин баса белгилегени менен, ал бул процесс Владимир Зеленский тарабынан да колдоого алынганын ырастады. Батыштын бул маневри Орусиянын эл аралык аренадагы салмагын дагы бир жолу кабыл алуу катары чечмеленүүдө Брюссел эле эмес, анын чек арадагы коңшулары да Орусия менен мамилени жакшыртуунун жолдорун издеп жатышат. Финляндиянын президенти Александр Стубб Европа Орусия менен “саясий диалог каналдарын ачышы керек” мезгилге жакындап калганын билдирди. Стубб Европа коридорлорунун өзгөргөн шамалын ырастап, Украинадагы кырдаал аяктагандан кийин карым-катнаштар кайра түзүлөөрүн, Финляндия Москва менен карым-катнаштарды калыбына келтирүүгө «моралдык жактан даяр болушу керек» деп билдирди