Евробиримдиктен дыйкандарга 540 миллион евро жер семирткичти колдоо

Евробиримдик Комиссиясы, геосаясий тирешүүлөрдүн жана жеткирүү чынжырындагы үзгүлтүктөрдөн улам өсүп жаткан жер семирткичтердин баасына байланыштуу дыйкандарга болгон басымды жеңилдетүү жана азык-түлүк коопсуздугун коргоо үчүн көргөн жаңы чаралар тууралуу билдирүү жасады Билдирүүдө, Евробиримдик Комиссиясынын дыйкандардын түшүмүн кепилдөө үчүн жер семирткичтерди сатып алуу үчүн 540 миллион евро бере турганы, буга кошумча Евробиримдикке мүчө өлкөлөрдүн улуттук фонддорунан 200 пайызга чейин кошумча салым бере алаары жана жалпы колдоонун 1,5 миллиард еврого чейин жетиши мүмкүн экендиги белгиленди Билдирүүдө Евробиримдиктин Комиссиясы Бирдиктүү агрардык саясатка (САП) максаттуу өзгөртүүлөрдү сунуштоо менен мүчө өлкөлөрдүн фермерлерине тезирээк жана ийкемдүү колдоо көрсөтүүнү көздөп жатканы айтылып, сунуштардын арасында айыл аймактарын өнүктүрүү фонддорунун алкагында кризистик колдоо үчүн жаңы ликвиддүүлүк механизмин түзүү, мүчө өлкөлөрдүн дыйкандарына тикелей айыл чарба колдоолорун эртерээк төлөп берүү, ошондой эле айыл чарба тармагына мүчө-өлкөлөрдүн колдоо мүмкүнчүлүгүн жөнгө салуу сунуштары бар экендиги айтылды. 2027 түз төлөм бюджеттери Билдирүүдө уюмга мүчө өлкөлөрдүн дыйкандарга 16-октябрга чейинки нормалдуу датадан мурда жана жогорураак өлчөмдөгү түз төлөмдөр үчүн аванс бере ала турганы айтылды Бул жоболордун күчүнө кириши үчүн Европарламенттин жана ЕБ Кеңешинин макулдугу талап кылынат Жакынкы Чыгыштагы чыр-чатактар, Ормуз кысыгындагы белгисиздиктер, энергияга болгон баанын көтөрүлүшү жана Орусия менен Беларустан жер семирткичтерди импорттоого чектөөлөр Европада жер семирткичтин баасын бир топ жогорулатты ЕБ жер семирткич үчүн чет элдик булактардан көз каранды. Биримдик азоттук жер семирткичтерге болгон муктаждыгынын болжол менен 30 пайызын жана фосфаттык жер семирткичтерге болгон муктаждыгынын болжол менен 70 пайызын импорттун эсебинен камсыздайт. Бул Европаны кризис учурунда тышкы таасирлерге көбүрөөк алсыз кылат