Түркия АКШ менен Иран келишимин кубаттады | Чет элдик кабарлар

Президент Режеп Таййип Эрдоган, АКШ менен Ирандын ортосунда жетишилген келишимди кубаттагандарын жана бул келишимдин аймакта туруктуу тынчтык жана ырааттуулукка жол ачарын үмүт кылгандарын айтты Эрдоган социалдык медиа эсебинен билдирүү жасап, келишимдин аймакта «тынчтык жана бейпилдиктин камсыздалышы жагынан маанилүү бир өнүгүү болгонун» баса белгиледи. Келишимге кол коюлганга чейинки мезгилде тараптардын чыңалууну арттыра турган сөздөрдөн жана кыймылдардан алыс болушу керектигин белгилеген Эрдоган, ыктымал саботаж аракеттерине каршы да этият болууга чакырды Эрдоган Пакистан, Катар жана Сауд Арабияга дипломатиялык аракеттеринен улам ыраазычылык билдирип, Түркиянын аймактык тынчтык жана ырааттуулукту колдоону уланта турганын билдирди Мен АКШ менен Ирандын ортосунда жетишилген макулдашууну биздин аймакта тынчтыкты камсыз кылуу үчүн маанилүү окуя катары көрөм жана аны кубаттайм. Бүткүл дүйнө көптөн бери муктаж болгон бул кабар биздин аймакта туруктуу тынчтык жана ишеним чөйрөсүн орнотууга алып келет деп ишенебиз Тышкы иштер министри Хакан Фидан да АКШ менен Ирандын ортосунда согушту токтотуу келишимин кубаттагандарын билдирди Социалдык медиа эсебинен баа берген Фидан келишимдин аймакта туруктуу тынчтык жана ырааттуулуктун орношуна карай маанилүү кадам болгонун жана толуктоочу сүйлөшүүлөрдүн конструктивдүү негизде уланышын күткөндөрүн белгиледи Фидан келишимге кол койгон тараптар менен ортомчу ролду ойногон Пакистанды жана процессти колдогон Катар баш болгон башка өлкөлөрдү куттуктады. Келишимге саботаж жасоо аракеттерине бөгөт коюунун маанилүү экенин баса белгилеген Фидан, бардык тараптарды акыл-эстүүлүккө жана жоопкерчиликке чакырды Түркиянын бардык процессте дипломатиялык аракеттерге колдоо көрсөткөнүн белгилеген Фидан, аймактык тынчтык жана ырааттуулукка салым кошууну уланта тургандарын белгиледи Биз АКШ менен Ирандын ортосундагы согушту токтотуу боюнча жетишилген келишимди кубаттайбыз. Бул келишим аймакта туруктуу тынчтыкты жана ырааттуулукту орнотуу үчүн маанилүү кадам болуп саналат. Кошумча сүйлөшүүлөр конструктивдүү маанайда улантылышы керек Президенттиктин байланыш директору Бурханеттин Дуран да АКШ менен Ирандын ортосунда жетишилген элдешүүнү кубаттагандарын билдирди Дуран социалдык медиа эсебинен билдирүү жасап, келишимдин аймактагы чыңалууну токтотуу жана ырааттуулукту калыбына келтирүү үчүн маанилүү экенин белгиледи. Туруктуу тынчтык диалог, дипломатия жана эл аралык укукка баш ийүү менен гана мүмкүн боло турганын баса белгилеген Дуран, Түркиянын президент Эрдогандын жетекчилигинде аймактагы тынчтык жана ырааттуулукту колдогон бардык конструктивдүү демилгелерди колдоону уланта турганын айтты *Кабардын сүрөттөрү АНКА тарабынан берилди