Америкалык окумуштуулар Кытайга көчүп башташты

Гарвард университетинин мурдагы алдыңкы окумуштууларынын бири Чарльз Либер расмий түрдө Кытайдын Шэньчжэнь шаарында иштеп жаткан жаңы “i-BRAIN” институтунун жетекчиси болуп дайындалды Окумуштуу мээ-компьютер интерфейси тармагында иштеген институттун директору болуп иштей турганын Modern.az билдирди. Долбоордун негизги максаты - Кытайды бул технология боюнча дүйнөлүк лидер кылуу Маалыматка ылайык, Чарльз Либер АКШда иштеген мезгилине салыштырмалуу Кытайда көбүрөөк мүмкүнчүлүк алган. Ага приматтарга эксперимент жүргүзүү, ошондой эле чип чыгаруучу өнүккөн жабдууларды колдонуу үчүн чектөөсүз шарттар берилгени айтылат. Долбоор толугу менен Кытай өкмөтү тарабынан каржыланып жатканы белгиленген Эксперттер мээ-компьютер интерфейсинин технологиялары келечекте жарандык жана аскердик тармактарда олуттуу өзгөрүүлөрдү жаратышы мүмкүн деп эсептешет. Ушул себептен улам, кээ бир чөйрөлөр Либер иштеп чыккан технологиялар келечекте Кытайдын аскердик программаларында колдонулушу мүмкүн деп кооптонууда Кытай бийлиги BCI технологияларын “улуттук артыкчылык” деп жарыялаганы белгиленген. Талдоочулардын баамында, бул багытта жүргүзүлгөн изилдөөлөр интегралдык жасалма интеллект менен аскердик системаларды жана адамдын когнитивдик мүмкүнчүлүктөрүн арттырган технологияларды өнүктүрүүгө жол ача алат Эске сала кетсек, Чарльз Либер 2021-жылы АКШда Кытай өкмөтүнүн "Миң талант" программасынан алган төлөмдөрүн жашырган деген айып менен соттолгон. Маалыматка ылайык, окумуштууга ошол программанын алкагында жылына 750 миң доллар сунушталган. Ал жеңил жаза алып, 2023-жылы пенсияга чыккандан кийин толугу менен Кытайга көчүп кеткен