Казакстанда 49 агрессордун жабырлануучу аялдарга баруусуна тыюу салынды

Казакстанда аялдарга карата укук бузуулар үчүн 41 миңден ашуун адам административдик жоопкерчиликке тартылды. Бул тууралуу Ички иштер министринин орун басары Санжар Адилов парламентте өткөн тегерек столдо билдирди Анын айтымында, ар бир облуста үй-бүлөлүк зомбулукка каршы күрөшүү боюнча атайын бөлүмдөр бар "Аялдарга карата кылмыштуулуктун алдын алуу жана бөгөт коюу боюнча иштер кыйла күчөтүлдү. 41 миңден ашуун кылмышкер административдик жоопкерчиликке тартылып, 11 миңден ашууну административдик камакка алынды", - деди Адилов Полиция 35 миңден ашык коргоочу буйрук чыгарган. Соттор 9200 агрессордун жүрүм-турумуна өзгөчө талаптарды белгилешти. Алардын ичинен 8300 кишиге спирт ичимдиктерин ичүүгө тыюу салынган. Бул чектөөлөрдү бузгандыгы үчүн 10 миңден ашык адам жоопко тартылган. Соттун чечими менен алардын бардыгына милдеттүү түрдө психокоррекциялык программалар дайындалган Кылмыштуулуктун алдын алуу боюнча жаңы мыйзамдын алкагында 1928 жаранга расмий эскертүүлөр берилген. 49 кылмышкерге жабырлануучуларга барууга тыюу салынган Informburo.kz сайтынан тиешелүү темадагы жаңылыктар жана материалдар