"2029-2030-жылдары аймактагы долбоорлор аяктагандан кийин жүк ташуу көлөмү бир нече эсеге көбөйүшү мүмкүн" - Эксперт

"Акыркы жылдары Казакстанда, Азербайжанда, Грузияда жана Түркияда ишке ашырылган долбоорлор Ортоңку коридордун мүмкүнчүлүктөрүн ого бетер кеңейтти. Бул долбоорлор каттамдын узак мөөнөттүү иштешине, ар кандай транспорттук линиялар менен интеграцияга жана кошумча жүктөрдү тартууга шарт түзөт. Ошол эле учурда Орто Азия, Түштүк Кавказ, Жакынкы Чыгыш жана Анадолу мамлекеттеринин интеграциясын бекемдөөчү мультимодалуу транспорттук мүмкүнчүлүктөрдү түзөт." Бул тууралуу 525.az агенттигине транспорт маселелери боюнча эксперт Рауф Агамирзаев билдирди. Эксперт белгилегендей, Зангезур коридору бул каттамдын кошумча элементи катары иш алып барат. Закавказье темир жолу азыртан эле Азербайжандын Каспий портторунан батыш багытында иштеп жатат. Зангезур коридору Чыгыштан Батышка жүк ташууларды диверсификациялоо жана мүмкүн болуучу тобокелдиктерди азайтуу жагынан жаңы мүмкүнчүлүктөрдү түзөт: "Мындан тышкары, Грузиядагы Анаклиа терең суу портунун курулушу да Ортоңку коридордун потенциалын жогорулатат. Биз азыртан эле жүк агымы бул багытта жылып жатканын байкап жатабыз жана эсептөөлөр боюнча, 2029-2030-жылдары аймактагы долбоорлор аяктагандан кийин жүк ташуу көлөмү бир нече эсеге көбөйүшү мүмкүн"