Ысыктан 200 миң адам каза болду: ДСУ Европаны чукул чара көрүүгө чакырды

Дүйнөлүк саламаттыкты сактоо уюмунун Европа боюнча аймактык директору Ханс Клюге Европа континенти дүйнөнүн башка аймактарына караганда тезирээк жылып жатканын айтты. Анын айтымында, климаттын өзгөрүшү ысыктын күчөшүнө алып келип, адамдардын ден соолугуна олуттуу коркунуч келтирүүдө Берлинде Ганс Клюге Германиянын айлана-чөйрөнү коргоо министри Карстен Шнайдер жана саламаттыкты сактоо боюнча сенатор Инна Циборра менен бирге ДСУнун калкты жогорку температурадан коргоо боюнча жаңыланган сунуштарын беришти Уюм парник газдарын бөлүп чыгарууну азайтууну жана шаарлардагы жашыл мейкиндиктердин санын көбөйтүүнү сунуштайт. Сунушталган чаралардын арасында парктарды өнүктүрүү, бак-дарактарды отургузуу, дарыяларды, токойлорду жана саздак жерлерди сактоо бар, бул калктуу пункттарда абанын температурасын төмөндөтүүгө жардам берет Берлиндин Медициналык палатасынын президенти Питер Бобберт жарандарга ысыктын коркунучтары тууралуу маалымат берүүгө көбүрөөк көңүл бурууга чакырды. Анын айтымында, көпчүлүк адамдар жогорку температуранын коркунучун баалабай, ысык аба ырайын ыңгайлуу деп кабыл алышат Адис сутканын эң ысык маалында күнгө көпкө түшпөөнү, физикалык көнүгүүлөрдү эртең менен жана кечкиге которууну, ошондой эле калктын аялуу катмарына кирген улгайган адамдарга көңүл бурууну сунуштайт Эксперттер ошондой эле шаардыктар ысыктан баш калкалоочу шаарларда кошумча фонтандарды жана атайын салкын коомдук жайларды түзүү пайдалуу деп эсептешет Дүйнөлүк саламаттыкты сактоо уюмунун маалыматы боюнча, катуу ысык жыл сайын оорулардын көбөйүшүнө, эрте өлүмгө жана миллиарддаган долларлык экономикалык жоготууларга алып келет. Эң кооптуулар карылар, кош бойлуу аялдар жана өнөкөт оорулары бар жарандар Буга чейин Испанияда май айында болгон ысыктын кесепеттеринен 101 адам каза болгону маалымдалган. Бул он жылдан ашык убакыт мурун тиешелүү статистикалык маалыматтар башталгандан берки жаздын акыркы айындагы эң жогорку көрсөткүч