БУУнун комитетине шайлоодо Ляззат Калтаеванын талапкерлигин 157 мамлекет колдоду

Казакстандын өкүлү Ляззат Калтаева БУУнун Майыптардын укуктары боюнча комитетинин 2027-2030-жылдарга мүчөлүгүнө шайланды. Майыптардын укуктары жөнүндө конвенцияга (CRPD) катышуучу мамлекеттердин конференциясынын 19-сессиясынын алкагында өткөрүлгөн шайлоодо ал 157 мамлекеттин колдоосуна ээ болуп, бардык талапкерлердин ичинен эң жакшы жыйынтык көрсөттү Комитетке Казакстандын өкүлү менен бирге Армения, Бенин, Иордания, Кытай, Литва, Палау, Самоа жана Эфиопиядан талапкерлер шайланды Мүмкүнчүлүгү чектелген адамдардын укуктарын коргоо боюнча 20 жылдан ашык тажрыйба Ляззат Калтаева - Казакстандагы мүмкүнчүлүгү чектелген адамдарды инклюзивияга тартуу жана укуктарын коргоо жаатындагы белгилүү коомдук ишмерлердин бири 2024-жылдын октябрынан бери Сенаттын Төрагасынын кеңешчиси жана Казакстан Республикасынын Парламентинин Сенатынын алдындагы Инклюзия боюнча кеңештин төрагасы кызматын аркалап келген. Буга чейин ал Казакстан парламентинин Сенатынын депутаты жана Социалдык-маданий өнүгүү жана илим боюнча комитеттин мүчөсү болгон Калтаева жыйырма жылдан ашык убакыттан бери «Шырак» майып аялдардын ассоциациясын жетектеген, ошондой эле Алматы шаарындагы майыптар уюмдарынын ассоциациясынын төрагасы болуп саналат Мындан тышкары, Казакстандын Президентине караштуу Аялдар иштери жана үй-бүлөлүк-демографиялык саясат боюнча улуттук комиссиянын мүчөсү БУУнун Майыптардын укуктары боюнча комитети мамлекеттердин Майыптардын укуктары жөнүндө Конвенциянын жоболорун ишке ашыруусуна мониторинг жүргүзүүчү жана майып адамдардын укуктарын эл аралык деңгээлде колдоочу көз карандысыз эксперттик орган болуп саналат