Жол-көлік апатынан 5 жаяу жүргінші зардап шекті

Алматыда жол-көлік оқиғасы салдарынан 5 адам зардап шекті. Оқиға Көк базар маңы – Зенков көшесінде болған. Жеңіл көлік жолдың жүру бөлігінде тұрған бес жаяу жүргіншіні қағып кеткен. Одан кейін жүргізуші тоқтай алмай, жол жиегінде тұрған микроавтобусқа да барып соғылған. Соққы салдарынан микроавтобус тағы бір көлікпен соқтығысқан. Оқиға салдарынан бес адам жарақат алып, оларға медициналық көмек көрсетілді. Қазір Полиция департаменті жол апатының себебін анықтап жатыр 2 адамның өліміне себеп болған жүргізуші сотталды Ал Астанада абайсызда екі адамның өліміне себеп болған жүргізушіге қатысты үкім шықты. Сот мәліметінше, 2026 жылдың қаңтарында жүргізуші Сарайшық көпірінде көлікті басқара алмай, қарсы жолаққа шығып кеткен. Салдарынан қарсы бағытта келе жатқан автокөлікпен соқтығысқан. Апат кезінде екі жолаушы көз жұмды. Сотта айыпталушы кінәсін толық мойындады. Ол марқұмдардың туыстарына келтірілген шығынды толық өтеген. Сот айыпталуышыны 5 жылға бас бостандығынан, 7 жылға көлік жүргізу құқығынан айырды. Үкім заңды күшіне енген жоқ