ӨК төрағасы Маматалиев бұрынғы спикерлермен кездесті

Жогорку Кенеш төрағасы Марлен Маматалиев әр жылдары парламентті басқарған спикерлермен кездесті. Ол цифрландыруға бағытталған жүргізіліп жатқан реформалармен, парламентті дамытуға бағытталған стратегиялық мақсаттар мен міндеттермен таныстырды, деп хабарлады ДК баспасөз қызметі. 6 маусымда өткен жиынға бұрынғы төрағалар Медетқан Шерімқұлов, Алтай Бөрүбаев, Зайнидин Құрманов, Алмамбет Матубраимов, Ақматбек Келдібеков, Асылбек Жээнбеков, Марат Сұлтанов, Айтибай Тағаев қатысты Парламенттің баспасөз қызметі таратқан суретте өзге экс-спикерлер Адахан Мадумаров, Дастан Жұмабеков, Нұрланбек Тұрғынбек ұлы (Шәкиев), Әбдіғаны Еркебаев, Ишенбай Қадырбеков көрінбеді Ақпаратқа сәйкес, кездесуге келген бұрынғы төрағалар соңғы жылдары Қырғызстан экономика, мемлекеттік басқару және халықаралық ынтымақтастық сияқты негізгі салаларда тұрақты даму жолына түскенін атап өтті Маматалиев заң шығару жұмысын нығайтуға және парламентаризмді дамытуға қосқан үлесі үшін бұрынғы төрағаларды арнайы төсбелгілермен марапаттады 10 ақпанда президент Садыр Жапаровтың өкімімен Қамшыбек Ташиев Ұлттық қауіпсіздік мемлекеттік комитетінің (ҰҚК) төрағалығынан босатылды. Осыдан кейін көп ұзамай Жогорку Кенеште бірқатар өзгерістер орын алып, 12 ақпанда Нұрланбек Тұрғынбек ұлының орнына Марлен Маматалиев спикер болып сайланды. Кейін Тұрғынбек ұлы бастаған бірнеше депутат мандаттан бас тартты. Кейбір депутаттық топтар мен салалық комитеттердің төрағалары да ауысты Сотта «75-ші іс» бойынша қылмыстық іс қозғалған сегіз адамның ішінде Тұрғынбек ұлының ісі қаралып жатыр. Наурыздың 11-і күні парламентте президент Садыр Жапаров мәлімдеме жасап, «халықты екіге жарған» әрекеттердің барын және дер кезінде тоқтатылғанын айтты. Мемлекет басшысы депутаттарды «халықты бөлмеуге» шақырды. Жоғарғы Кеңестің қазіргі 8-шақырылымына 30 сайлау округінен 90 депутат кіреді. (KE)