Жамбыл облысында төрт айда 3 жүкті әйел босану кезінде көз жұмған

Жамбыл облысында ай-күні жеткен әйелдерді босандыру қызметінде кемшілік көп. Осылай деген Денсаулық сақтау министрі Ақмарал Әлназарова аймақ медицинасын қатаң сынға алды. Әулиеата өңіріндегі әріптестерімен кеңес өткізген министр әйелдер мен балаларға медициналық көмектің сапасын арттыру бойынша шұғыл шаралар қабылдауды тапсырды. Өйткені жүктілік кезеңіндегі әйелдерді тұрақты бақылау жолға қойылғанына қарамастан әлі күнге ана өлімі азаймай тұр. Расында аймақта жыл басталғалы 4 ай ішінде үш әйел көз жұмған. Сандарды сөйлеткен Ақмарал Әлназарова тұрғындардың сапалы қызмет жоқтығын сынға алып жазатын арыз-шағымы азаймай тұрғанын да сөз арасында атап өтті. Сондықтан босандыру қызметін түбегейлі қайта қарап, жүктілік кезеңін медициналық бақылау жүйесін құру қажет деді, министр