Өзбекстан-АҚШ бірлескен инвестициялық платформасы іске қосылады

Өзбекстан мен АҚШ бірлескен инвестициялық платформаны іске қосады Бұл туралы Өзбекстан-АҚШ бизнес-форумында Өзбекстанның Инвестициялар, индустрия және сауда министрі Лазиз Кудратов мәлім етті, деп хабарлайды «Хабар» тілшісі "Бүгін біз бірлескен инвестициялық платформаның іске қосылғанын жариялаймыз. Бұл алаң бірлескен жобаларды қаржыландыру құралы болады. АҚШ-тан қаржыландыруды Халықаралық қаржылық даму корпорациясы (DFC) мен Экспорт-импорт банкі («Эксим банк»), Өзбекстаннан осы елдің Қайта құру және даму қоры қамтамасыз етеді», - деді министр Оның айтуынша, жаңа платформа Өзбекстан мен АҚШ компанияларының келешегі бар бірлескен жобаларын қолдауға және көбінесе оларды жүзеге асыруға кедергі болатын қаржы тапшылығы мәселесін жоюға бағытталған АҚШ-Өзбекстан сауда палатасының төрайымы Кэролин Лемм екі ел арасындағы экономикалық қарым-қатынастардың нығая түскенін және АҚШ бизнесінің Өзбекстанға деген қызығушылығының артып келе жатқанын атап өтті. Оның айтуынша, егер 1993 жылы палатада санаулы ғана компания өкілдері болса, бүгінде оған АҚШ-тың 50-ден астам ірі корпорациясы мүше Ол өткен жылы АҚШ-тың Өзбекстанға салған инвестициясының көлемі 1 миллиард доллардан асқанын, ал биылдың өзінде 2 миллиард доллардан асқанын айтты DFC бас директоры Бен Блэк Америка Құрама Штаттары Өзбекстан және Орталық Азия елдерімен ұзақ мерзімді серіктестікті дамытуға мүдделі екенін мәлімдеді. Ол өңірдің жас халқының саны мен өсіп келе жатқан экономикалық мүмкіндіктерінің арқасында айтарлықтай әлеуетке ие екенін баса айтты Өз кезегінде «Эксим Банк» президенті және төрағасы Джон Йованович АҚШ институттары стратегиялық маңызды салалардағы жобаларды қолдауға және екі ел арасындағы экономикалық ынтымақтастықты нығайтуға көмектесуге дайын екенін айтты Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет