Өзбекстанда кітап оқығандардың жазасын өтеу мерзімі қысқарады

Өзбекстан Министрлер кабинеті сотталғандардың оқыған кітаптарынан тест тапсыру жүйесін бекітті Жаңа тәртіп бойынша кітапты оқып, мазмұны бойынша сынақтан сүрінбей өткендердің жаза мерзімі қысқартылуы мүмкін Тиісті қаулыға сәйкес сотталғандардың әдебиеттердің мазмұнын қаншалықты меңгергенін тексеру үшін жабық үй-жайларда арнайы комиссия құрылды Кітапты оқығаннан кейін сотталғандар «Е-махкум» жүйесі арқылы тест тапсырады Әр кітапқа арналған тест 25 сұрақтан тұрады. Әрбір дұрыс жауап төрт ұпаймен бағаланады. Бір кітаптың максималды ұпайы - 100, ал тестілеуден өту үшін ең аз 70 ұпай қажет. Әр сұраққа жауап беруге екі минут уақыт беріледі Егер комиссия сотталғанның кітап мазмұнын меңгергенін растаса, түрме әкімшілігі бес күн ішінде сотқа жазаны жеңілдету туралы ұсыныс жібереді Жаңа бұйрыққа сәйкес, әрбір оқылған кітап үшін жаза мерзімі үш тәулікке қысқартылады. Дегенмен, жалпы қысқарту бір жылдан аспауы керек Қаулыға сәйкес, кітаптар тізімі Республикалық рухани-ағарту орталығы, Ұлттық кітапхана және Өзбекстан Жазушылар одағы өкілдерінің қатысуымен жасалады Бұған дейін ел парламентінің жоғарғы палатасы бұл норма өмір бойына бас бостандығынан айыру жазасына кесілгендерге қолданылмайтынын мәлімдеген болатын Ресми ақпаратқа сәйкес, бұл өзгеріс 13500-ден астам тұтқынға әсер етеді