Рақымшылық туралы заң Қазақстан президентіне қол қоюға жіберілді: кімнің жазасы қысқартылады?

Сенатор Мұрат Қадырбек атап өткендей, заңда қылмыстық құқық бұзушылық жасаған жекелеген санаттағы тұлғаларға қатысты бір реттік адамгершілік әрекет қарастырылған Осылайша, қылмыстық құқық бұзушылықтарды, онша ауыр емес қылмыстарды, сондай-ақ зиян келтiрмеген немесе залал толық өтелген немесе азаматтық талап қойылмаған орташа ауырлықтағы қылмыстарды жасаған адамдар қылмыстық жауаптылықтан немесе негiзгi жазадан босатылуға жатады Сотталғандардың жоғарыда аталған санаттарына жатпайтын орташа ауырлықтағы қылмыстар жасаған адамдар үшін негізгі жазаның өтелмеген бөлігінің мерзімі немесе мөлшері екі есеге қысқартылады Жазасын өтеп жатқан немесе оны әлі өтемеген адамдар үшін қылмыстық құқық бұзушылықпен келтірілген залал толық өтелген және ұсынылған талаптар қанағаттандырылған жағдайда не олар болмаған жағдайда негізгі жазаның өтелмеген немесе орындалмаған бөлігінің мерзімдері немесе мөлшерлері азайтылады: Осы санаттарға жатпайтын сотталғандар үшін негізгі жазаның өтелмеген немесе орындалмаған бөлігінің мерзімдері немесе мөлшерлері қысқартылады: Бұл ретте аса қауіпті қылмыстар үшін қылмыстық жауаптылықтың бұлтартпастығы қағидасы сақталады Рақымшылық сыбайлас жемқорлық қылмыстар, террористік және экстремистік қылмыстар, кәмелетке толмағандардың жыныстық қол сұғылмаушылықтарына қарсы қылмыстар, азаптаулар үшін сотталған адамдарға, сондай-ақ адам өлтіру, денсаулыққа қасақана ауыр зиян келтіру, мемлекетке опасыздық және басқа да аса қауіпті қылмыстар жасаған өмір бойына бас бостандығынан айыруға сотталған адамдарға қолданылмайды Сонымен қатар, тәуелсіз Қазақстан тарихында алғаш рет қылмыстық рақымшылықпен қатар әкімшілік амнистия да қарастырылған Қазақстан Республикасының азаматтары, дара кәсiпкер ретiнде тiркелген кәсiпкерлiк субъектiлерi, жеке нотариустар, жеке сот орындаушылары, адвокаттар және заң консультанттары заң күшiне енген күнi орындалмаған әкiмшiлiк құқық бұзушылық үшiн не оның орындалмаған бөлiгi үшiн әкiмшiлiк айыппұл түрiндегi әкiмшiлiк жазадан босатылады Рақымшылық қолданылғаннан кейін осы айыппұлдар бойынша тиісті атқарушылық іс жүргізу тоқтатылуы тиіс Әкімшілік рақымшылық қоғам қауіпсіздігіне, азаматтардың өмірі мен денсаулығына, сондай-ақ мемлекет мүдделеріне қатер төндіретін құқық бұзушылықтар жасаған адамдарға қолданылмайды Бұдан бұрын хабарланғандай, 15 мыңнан астам сотталған, оның ішінде түрмеде жазасын өтеп жатқан бес мыңнан астам адам рақымшылыққа ілігуі мүмкін