Ыстықкөлде су басып қалған екінші адам табылмады

Ыстықкөлде су тасқыны салдарынан көшкін басып қалған екінші адамды іздеу жұмыстары жалғасуда. Төтенше жағдайлар министрлігі 7 маусымда су тасқынының салдарын жою және іздестіру жұмыстарына барлығы 185 адам мен 14 инженерлік техника жұмылдырылғанын хабарлады. Құтқарушылар арасында министрліктің мониторинг және болжау департаментінің мамандары, сүңгуірлер, азаматтық қорғаныс пен полиция қызметкерлері, төтенше жағдайлар қызметінің қызметкерлері бар Ресми мәлімет бойынша, 5 маусым күні сағат 20:00 шамасында жауған жаңбыр салдарынан тау баурайы опырылып, тасқын суға араласқан лай Балықшы-Ананьево-Қаракөл жолының 92-ші шақырымын басып, Mercedes Sprinter және Ford Mondeo көліктерін, сондай-ақ екі ер адамды басып қалған Іздестіру нәтижесінде 5 маусым күні сағат 23:35-те У.Т. 2008 жылы туған ер адамның мәйіті табылды Төтенше жағдайлар министрі Қанатбек Шыныбаев, президенттің Ыстықкөл облысындағы уәкілетті өкілі Бақытбек Жетігенов жағдайды жергілікті жерде бақылап отыр. (KE)