Қырғыз Парламентінің спикері Қазақстанға ресми сапармен келді

Қырғыз Республикасы Жогорку Кенешінің төрағасы Марлен Маматалиев Қазақстанға алғаш рет ресми сапармен келді. Мәртебелі мейманды Сенат төрағасы Мәулен Әшімбаев қабылдады. Басқосуда Қазақстан мен Қырғызстан арасындағы парламентаралық ынтымақтастықты одан әрі дамыту мәселесі талқыланды. Мәулен Әшімбаев екі ел арасындағы қарым-қатынастардың өзара сенім мен достыққа негізделген жоғары деңгейдегі диалогтың арқасында тұрақты дамып келе жатқанын атап өтті. Ал, Мәжіліс төрағасы Ерлан Қошановпен кездесуі кезінде сауда-экономикалық байланыстарды кеңейту және өңірлік өзекті мәселелерді талқылады. Сондай-ақ азық-түлік қауіпсіздігі, су және энергетика салаларындағы серіктестік, цифрландыру мен жасанды интеллект бағытындағы тәжірибе алмасу мәселелері сөз болды