Рақымшылық жасау комиссиясының жауапты хатшысы ауысқаны белгілі болды

Президент жанындағы кешірім жасау комиссиясының жауапты хатшысы Анарбек Қалматов қызметінен босатылып, орнына Жоомарт Зәкіров тағайындалғаны белгілі болды Президент сайтында комиссияның жауапты хатшысы Жоомарт Зәкіров болып табылады. Алайда бұл туралы ресми ақпарат берілмеді. Ол бұған дейін Президент пен Министрлер кабинеті шешімдерінің орындалуын бақылау департаменті басшысының орынбасары қызметін атқарған Ал Анарбек Қалматов 2021 жылдың қазан айында Президент жанындағы кешірім жасау жөніндегі комиссияның жауапты хатшысы болып тағайындалды. Бұған дейін ол президенттің Жогорку Кенештегі өкілі болып жұмыс істеген Мамыр айының соңында әлеуметтік желілерде 2009 жылы наурызда жұмбақ жағдайда қаза тапқан Президент Әкімшілігінің бұрынғы басшысы Медет Садырқұловты өлтірді деп айыпталған Санжар Сапарбековке рақымшылық жасалып, түрмеден босатылғаны туралы ақпарат тараған болатын Кейін қылмыстық атқару мемлекеттік қызметі мұндай ақпаратты жоққа шығарып, Санжар Сапарбековтің кешірім сұрағаны анық болғанын, бірақ оның өтініші қаралып, қабылданбағанын хабарлады Бұрынғы президент Құрманбек Бакиевтің ұлы Максим Бакиевтің жақын достарының бірі делінетін Санжар Сапарбеков Медет Садырқұловтың өліміне айыпталып, 2011 жылдан бері халықаралық іздеуде болған. Ол 2021 жылы қарашада қамауға алынып, бір жылдан кейін 14 жылға сотталған. Тергеу барысында оның Медет Садырқұловтың өліміне тікелей қатысы бар екені анықталды 2024 жылы оған да «Алпамыс Шыңғыс» лақап атымен танымал Шыңғыс Жұмағұловтың өліміне қатысты айып тағылып, қосымша 17 жылға сотталған. (BTo)