Жапониядан Трампқа қызықты ескерту

Жапонияның Экономикалық қауіпсіздік министрі Кими Онода АҚШ президенті Дональд Трамптың әлеуметтік желіде өзін танымал аниме кейіпкері Наруто Узумаки ретінде таныстырған видеоға қатысты пікір білдірді Министр авторлық құқықпен қорғалған аниме суреттерін пайдалану үшін авторлық құқық иесінен рұқсат алу керектігін баса айтты, деп хабарлайды Modern.az "Әрине, мен бұл бөлісу туралы білемін. Жалпы, кез келген суретті пайдалануға құқық иесінің рұқсаты қажет деген қағида бар. Бұл ереже тіпті мемлекеттік органдарға да қатысты", - деді Онода баспасөз мәслихатында Министр авторлық құқық анық бұзылмаса да, туындыны құқық иесінің ниетінен тыс нысанда пайдалану оның беделі мен имиджіне нұқсан келтіруі мүмкін екенін атап өтті Оның айтуынша, Жапония бұл мәселе бойынша өз ұстанымын дипломатиялық арналар арқылы АҚШ тарапына бірнеше рет жеткізген "Біз авторлық құқыққа дұрыс көзқарасты қамтамасыз ету үшін АҚШ-пен диалогты жалғастырамыз. Болашақта мұндай жағдайлар қайталанбайды және бөлісу одан әрі таралмайды деп сенемін", - деп қосты министр Айта кетейік, Дональд Трамп осыдан біраз уақыт бұрын әлеуметтік желідегі аккаунтында жасанды интеллект жасаған видеомен бөліскен болатын. Бейнебаянда ол әйгілі «Наруто» аниме сериясының басты кейіпкері Наруто Узумаки ретінде бейнеленген. Бұл жазба аниме жанкүйерлерінің сынына ұшырады