Саланың болашағы: AMM 2026 XVI халықаралық конгрессі басталды

Конгресс жыл сайын тау-кен металлургия кәсіпорындарының, мемлекеттік органдардың, халықаралық ұйымдардың, инвестициялық қоғамдастықтың және технологиялық шешімдерді жеткізушілердің өкілдерін жинайды. Платформа саланың негізгі міндеттерін талқылауға, тәжірибе алмасуға және тау-кен металлургия кешенін одан әрі дамытудың перспективалық бағыттарын анықтауға мүмкіндік береді Шараға Қазақстан Республикасының Премьер-Министрі Олжас Бектенов қатысты. Оған Qarmet-тің негізгі өндірістік көрсеткіштері туралы ақпарат беріліп, іске асырудың белсенді кезеңінде тұрған бірқатар инвестициялық жобалар ұсынылды Фото: Қазақстан Республикасы Премьер-Министрінің баспасөз қызметі Бірінші күннің басты оқиғасы «Тұңғиықтан интеллект биігіне дейін: тау-кен және металлургия саласының болашағы үшін жаһандық серіктестік» пленарлық отырысы болды. Сұрақ-жауап форматындағы пікірталасқа Қармет Басқарма төрағасының қаржы және стратегиялық даму жөніндегі бірінші орынбасары Зәуре Зәуірбекова қатысты Қатысушылар тау-кен металлургия өнеркәсібінің бәсекеге қабілеттілігін арттырудағы технологиялық дамудың, халықаралық ынтымақтастықтың және заманауи басқару тәсілдерінің рөлін талқылады Пленарлық отырыс барысында сонымен қатар тау-кен металлургия саласын дамыту перспективалары, жасанды интеллект енгізу және логистика саласындағы ынтымақтастық мәселелері талқыланды Саланың тұрақты дамуының негізін қалыптастыру үшін бүгінгі таңда қабылдануы қажет шешімдерге ерекше назар аударылды Іскерлік бағдарлама аясында серіктес елдер үкіметтері өкілдерінің қатысуымен стратегиялық диалог та өтті. Оған қатысушылар халықаралық ынтымақтастық перспективаларын, инвестициялық байланыстарды дамыту және тау-кен металлургия кешеніндегі жобаларды бірлесіп жүзеге асыруды қарастырды Бөлек сессиялар инвестициялық климат пен реттеуші орта, жоғары құбылмалылық жағдайында металдар саудасы, тәуекелдерді басқару, геологиялық барлау, көлік инфрақұрылымы және Орталық Азияның жаһандық жеткізу тізбегіне интеграциялану мәселелеріне арналды Qarmet-тің AMM 2026 бас серіктесі ретінде қатысуы компанияның салалық диалогты дамытуға, серіктестермен ынтымақтастықты нығайтуға және Қазақстанның тау-кен металлургия кешеніне заманауи технологияларды енгізуге қолдау көрсетуге деген ұмтылысын көрсетеді