«Қазмырыш» зауытындағы жарылыс: Өскемендегі ауа сапасы үздіксіз бақылауда болады

«Қазмырыш» зауытындағы өрттен кейін Өскемендегі ауа сапасы үздіксіз тексерілетін болады, деп хабарлайды ШҚО әкімдігінің баспасөз қызметі Жедел штаб отырысында облыс әкімі Нұрымбет Сақтағанов үйінді астынан зардап шеккендерді іздеуді жалғастыру қажеттігін мәлімдеді. Ол апат салдары толық жойылмайынша, төтенше жағдайлар қызметінің қызметкерлері оқиға орнында болуы керек екенін атап өтті. Жарылыстың нақты себебін анықтау үшін ведомствоаралық комиссия құрылады «Қазцинк» компаниясы алдын ала мәліметтер бойынша рұқсат етілген нормалардан аспай және қауіпті ластаушы заттарды шығармай, жергілікті шаң шығарылымын тіркегенін атап өтті "Мемлекеттік еңбек инспекциясы жөніндегі комитетінің Шығыс Қазақстан облысы бойынша департаменті апатты тексеру үшін арнайы комиссия құруы қажет. ШҚО Экология департаменті апатты жою бойынша штаб жұмысы барысында атмосфералық ауаның сапасына үздіксіз экологиялық мониторингті қамтамасыз етуге міндетті. Қаза тапқандар мен зардап шеккендердің отбасыларына психологиялық және материалдық көмек көрсетіледі", - деді Нұрымбет Сақтағанов Сондай-ақ мамандар алдағы уақытта өндірістік жұмыстарды жүргізу мүмкіндігін де бағалайтын болады 5 мамыр күні таңертең кәсіпорын аумағында шаң жинайтын құрылғы жарылған. Кейбір құрылымдар қирап, өрт басталып, 10.42-де сөндірілді. Оқиға салдарынан екі адам қаза тауып, бес жәбірленуші ауруханаға жеткізілді. Үшеуі үйлеріне жіберілді, бір науқастың жағдайы ауыр Мәтінде қатені тапсаңыз, оны тінтуірдің көмегімен ерекшелеп, Ctrl+Enter пернелерін басыңыз Смартфоныңыздағы мәтінде қатені тапсаңыз, оны бөлектеп, «Қате туралы хабарлау» түймесін басыңыз