Азаматтық қоғам өкілдері үшін DOST Call Center 142 бойынша ақпараттық тур ұйымдастырылды

Еңбек және халықты әлеуметтік қорғау министрлігіне қарасты DOST агенттігі азаматтық қоғам өкілдері үшін «DOST Call Center 142» жауапкершілігі шектеулі серіктестігіне ақпараттық тур ұйымдастырды DOST агенттігінен ҚазАқпарат тілшісіне хабарлағандай, инфотурдың мақсаты қатысушыларды DOST 142 байланыс орталығының жұмыс механизмімен, азаматтардың өтініштерін қабылдау және оларға жауап беру үдерісімен таныстыру болды Шара аясында қонақтар DOST 142 Call-орталығының жұмыс аймақтарын аралап, операторлардың жұмыс барысын бақылап, өтініштерді қабылдаудан бастап оларға жауап беруге дейінгі кезеңдерімен танысты Одан кейін қатысушыларға тұсаукесер көрсетілді. Презентацияда DOST 142 Call-орталығы қызметінің бағыттары, әлеуметтік саладағы өтініштерді жедел қабылдау және оларға жауап беру тетіктері, азаматтардың қанағаттануын қамтамасыз ету үшін қолданылатын инновациялық шешімдер туралы ақпарат берілді. Сондай-ақ, келіп түскен өтініштерді DOST қызметтерімен байланыстыру және іске асыру процесін үйлестіру мәселелері қозғалды Шара сұрақ-жауаппен жалғасты. Азаматтық қоғам өкілдері call-орталықтың жұмысы, цифрлық сервистерді дамыту және азаматтардың өтініштерін басқаруға қатысты өз ойлары мен ұсыныстарымен бөлісті. Оларды қызықтырған сұрақтарға жауаптар берілді 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек