Жамбыл облысында 46 су ұңғымасын қалпына келтіру жұмыстары аяқталуда

Меркен ауданында министр Еуропалық қайта құру және даму банкімен бірлесіп өңірдегі ирригациялық каналдарды, су бұру жүйелері мен құрылыстарды қайта жаңғырту жобасы аясында жүргізіліп жатқан 46 су ұңғымасын қалпына келтіру жұмыстарының барысымен танысты. Бүгінгі күні Ойтал ауылдық округіндегі барлық 13 құдық қалпына келтіріліп, іске қосылды. Андас-Батыр ауылдық округінде 27 құдық іске қосылды. Осы айдың соңына дейін аудан қалған 6 ұңғыманы сынақтан өткізуді жоспарлап отыр. Бұл су алатын ұңғымалар шамамен 2,7 мың гектар суармалы жерді сумен қамтамасыз ететін арналарды толтыруға арналған Келесі кезекте Нұржан Нұржігітов Шу ауданына барып, биылғы жылы басталған Сол жағалау және Оң жағалау магистральдық каналдарын қалпына келтіру жұмыстарының барысымен танысты. Нысандардың жалпы ұзындығы 88 шақырымнан асады. Қазір каналдарда қазу, тазалау жұмыстары жүріп жатыр Нысандарды қайта жаңғырту Шу ауданындағы 18,1 мың гектар суармалы жерді сумен қамтамасыз етуді жақсартуға мүмкіндік береді. Жұмыс Ислам даму банкімен бірлесіп «Климатқа төзімді су ресурстарын дамыту» жобасының бірінші кезеңі аясында жүргізілуде. Келесі жылдың соңына дейін Оң жағалау және Сол жағалау магистральдық каналдарын қалпына келтіру жұмыстарын аяқтау жоспарлануда Шу ауданында министр К-1 каналында да болып, дайындық және қазу жұмыстарының барысымен танысты. Бұл нысанды қайта жаңғырту да ИДБ-мен бірлескен жоба аясында жүргізілуде Қордай ауданында Нұржан Нұржігітов ұзындығы 18 шақырымды құрайтын Благовещенский каналын қалпына келтіру жұмыстарының барысымен танысты. Учаскедегі жұмыстар кестеге сәйкес жүріп жатыр. Жобаны ағымдағы жылдың соңына дейін аяқтау жоспарлануда Сондай-ақ министр Шу өзенін Георгиевский магистральдық каналымен байланыстыратын Азықтандыру каналындағы контейнерлік сорғы станциясының жұмысымен де танысты. Өткен жылы пайдалануға берілген нысан Қайнар ауылындағы 3800 гектар суармалы алқапты суару суымен қамтамасыз етіп отыр. Оның өткізу қабілеті секундына 1 текше метрді құрайды — Жамбыл облысының суармалы аумақтарын тұрақты сумен қамтамасыз ету және су ресурстарын тиімді пайдалану үшін облыста ауқымды инфрақұрылымдық жобалар жүзеге асырылуда. Ендігі кезекте атқарылған жұмыстардың сапалы әрі уақытылы аяқталуын қамтамасыз ету қажет. Біздің министрлік бұл мәселені ерекше бақылауда ұстап отыр», - деді Су ресурстары және ирригация министрі Нұржан Нұржігітов Жамбыл облысында суаруды жақсарту үшін 400 шақырымға жуық каналдар қалпына келтіріліп жатқаны бұрын хабарланған болатын