Алматыда түнгі дрейфте жүрген BMW жүргізушісі қамауға алынды

Түнгі сағат үштер шамасында жүргізуші жол қозғалысы ережелерін елемей, дрейфке түсіп, жол қозғалысының басқа қатысушыларына қауіп төндірді Алматы полициясы ер адамды анықтап, ұстады. Оған бірден алты құқық бұзушылық бойынша әкімшілік материалдар жинақталды Басылым Алматы Қаласының ПД | Алматы полиция департаменті (@almaty_police_department) Көлік арнайы тұраққа қойылды. Құқық бұзушы сот шешімімен қамауға алынды. Алматы полициясы жүргізушілерді жол ережесін сақтауға, өзгелерді құрметтеуге және азаматтардың тыныштығын бұзбауға шақырды Естеріңізге сала кетейік, 21 наурызға қараған түні әл-Фараби даңғылында адам өлімімен аяқталған жол апаты орын алған болатын. Тергеу деректері бойынша, Zeekr көлігінің жүргізушісі қарсы жолаққа шығып кетіп, Mercedes көлігімен соқтығысқан. Оқиға салдарынан Мерседес жүргізушісі мен екі жолаушысы оқиға орнында көз жұмды Қазір Алматыда әл-Фарабидегі атышулы апатқа қатысты сот процесі өтіп жатыр. Айыптамалық сотта 32 жастағы кәсіпкер Александр Пак отыр. Жан-жақты сот-медициналық сараптама қорытындысына сәйкес, Zeekr көлігінің соқтығысқанға дейінгі жылдамдығы шамамен 219 км/сағ болуы мүмкін