Қытайға сапары: БҚО әкімі Нариман Төреғалиев Ляонин провинциясының губернаторы Ван Синвэймен кездесті

Сапар аясында аймақ басшысы Ляонин провинциясының губернаторы Ван Синвэймен кездесті. Іс-шараны ұйымдастыруға Қазақстан Республикасының Қытай Халық Республикасындағы Елшілігі көмек көрсетті 40 миллионнан астам халқы бар Ляонин провинциясының өнеркәсіптік әлеуеті жоғары және мұнай-газ саласында айтарлықтай тәжірибесі бар. Бұл бағыттардың Батыс Қазақстан облысы үшін стратегиялық маңызы бар. Сондай-ақ, екі өңірдің де ауыл шаруашылығы саласын дамытуға мүмкіндіктері ұқсас. Нариман Төреғалиев Қазақстан-Қытай қарым-қатынасының «алтын 30 жылдығы» аясында өңіраралық ынтымақтастық сапалы жаңа деңгейге көтерілетініне сенім білдірді. Облыс әкімі екі мемлекет басшыларының басшылығымен Қазақстан мен Қытай арасындағы стратегиялық әріптестік нығайып, жаңа мазмұнмен толығып келе жатқанын атап өтті Өз кезегінде Ляонин провинциясының губернаторы Ван Синвэй аймақаралық ынтымақтастықты одан әрі дамытуға мүдделі екенін растады Қытай тарапы сондай-ақ достық байланыстарды одан әрі нығайтуға және өнеркәсіптік ынтымақтастықты дамытуға ғана емес, сонымен қатар Қытай мен Қазақстанның мәдениет жылы аясында мәдени-гуманитарлық ынтымақтастықты кеңейтуге қызығушылық танытты