Құлсарыдағы жанар-жағармай құю бекетінің жарылуына кінәлі адам зардап шеккендердің балаларына 40 млн

Сот сотталушыны кінәлі деп танып, бас бостандығынан айыру жазасын тағайындау, сондай-ақ моральдық зиянның орнын толтыру туралы шешім қабылдады Сот отырысында судья сотталушының кінәсі толық дәлелденгенін атап өтіп, сот шешімін жария етті. Сотталушы Қазақстан Республикасы Қылмыстық кодексінің 281-бабының 3-бөлігімен (Жарылыс қаупі бар объектілердегі қауіпсіздік ережелерін бұзу) кінәлі деп танылды. Ол үш жыл алты ай мерзімге бас бостандығынан айыру жазасына кесілді — Сондай-ақ үш жыл мерзімге өнеркәсіптік қауіпсіздік саласындағы жекелеген қызметпен айналысу құқығынан айыру түріндегі қосымша жаза тағайындалсын. «Niet LTD» ЖШС-нен жәбірленушілердің пайдасына моральдық шығын өндірілсін, деді судья Ардақ Төлебаева Сотталған адам жазасын ең төменгі қауіпсіздіктегі қылмыстық-атқару жүйесінде өтейтін болады Сот шешіміне сәйкес, осы жарылыс салдарынан қаза тапқан ерлі-зайыптылардың төрт баласының әрқайсысына 10 миллион теңгеден моральдық шығын өтелуі тиіс. Осылайша, жалпы өтемақы сомасы 40 миллион теңгені құрайды Тергеу барысында анықталғандай, No3 газ толтыру стансасының аумағында орналасқан көлемі 25 текше метр сұйытылған газы бар цистерна техникалық байқаудан өтпеген, заңнамада белгіленген тәртіппен тіркелмеген, қауіпті нысан ретінде тіркелмеген Жәбірленуші тараптың өкілі Ақан Хабдешев моральдық шығынның өтелу мөлшерімен келіспейтінін және апелляциялық шағым түсіруге ниетті екенін мәлімдеді — Біз бас бостандығынан айыру түріндегі жазаға келісеміз. Бірақ біз моральдық шығынды өтеу мөлшері өте аз деп есептейміз», - деді ол Оқиға салдарынан ерлі-зайыптылар қаза тауып, төрт бала ата-анасыз қалды. Жарылыс кезінде алты көлік өртеніп, үш бір қабатты және бір екі қабатты ғимарат зақымданған. Апат аймағының ауданы шамамен 400 шаршы метрді құрады Бұған дейін облыстық төтенше жағдайлар департаменті жанармай құю бекетіндегі жарылыстың себептерін хабарлаған болатын Естеріңізге сала кетейік, 30 мамыр күні сағат 18:45 шамасында Құлсары қаласындағы жанармай құю бекетінде жарылыс болып, салдарынан 14 адам зардап шекті. Оның ішінде екі адам қайтыс болды