Көктемгі егіс: Батыс Қазақстан облысында 336 мың гектар алқапта ылғал сақтау жұмыстары жүргізілді

Өңірлік коммуникациялар қызметінде өткен брифингте облыстық ауыл шаруашылығы басқармасы басшысының орынбасары Берік Ситқазиев мәлім еткендей, 336 мың гектар аумақта ылғал ұстау, 19,4 мың гектар алқапта өңдеу жұмыстары жүргізілді Оның айтуынша, бүгінгі күні 21 мың гектар жаздық (жоспардың 5,5%) егілді, оның 14,3 мың гектары (7,3%) дәнді дақылдар, 2,9 мың гектары (2,4%) майлы дақылдар, 3,7 мың гектары (6,3%) азықтық дақылдар — Соңғы екі-үш күнде ауа райының жауын-шашынды болуына байланысты жұмыс қарқыны бәсеңдеп қалды. Қолайлы жағдай жасалғаннан кейін дала жұмыстары жоспардағыдай жалғасады. Биылғы жылы көктемгі жұмыстарға 10,5 мың тонна дизель отыны бөлінсе, оның 2,5 мың тоннасы (21 пайызы) Атырау мұнай өңдеу зауытынан алынды. Тасымалдау операторы «Нефтек» ЖШС болып анықталды. Дизель отынының бағасы литріне 270 теңге, деп атап өтті Б.Ситқазиев Сондай-ақ тыңайтқыштарды жеткізу жалғасып жатқанын айтты. Қазіргі уақытта отандық өндірушілер мен жеткізушілерден 12,9 мың тонна (21,2%) сатып алынды, келісім-шарттар жасау жұмыстары жалғасуда Диқандарды көктемгі егіс және егін жинау жұмыстарына қажетті барлық ресурстармен қамтамасыз ету үшін жергілікті бюджеттен 2,7 млрд теңге, оның ішінде субсидияларға 1,93 млрд теңге бөлінді Сонымен қатар, «Аграрлық несие корпорациясы» АҚ арқылы 12,9 млрд теңге несиелік қаражат қарастырылған («Кең дала 2» бағдарламасы – 10,9 млрд теңге, «Кең дала» бағдарламасы – 2 млрд теңге). Қазірдің өзінде 8,6 млрд теңге (67%) жылдық 5%-бен берілді; 1,1 млрд теңгеге жуық қосымша өтінімдер қарастырылуда «ҚазАгроҚаржы» АҚ арқылы лизинг бойынша 6,5 млрд теңгеге 597 бірлік ауыл шаруашылығы техникасы (бөлінген 12,5 млрд теңгенің 52%) сатып алынды Ведомствоның мәліметінше, биылғы жылы жалпы егіс көлемі 626 мың гектарды құраса, оның 289 мың гектары дәнді дақылдар, оның ішінде 93,6 мың гектары күздік дақылдар. Майлы дақылдар 123 мың га, картоп, көкөніс және бақша дақылдары – 4 мың га, мал азықтық дақылдар – 210 мың га Естеріңізге сала кетейік, Қазақстанда 563 мың гектардан астам ауыл шаруашылығы жері мемлекет меншігіне қайтарылды