Батыс Қазақстанда адамдар мінген жол талғамайтын көлік суға толы сайға сырғып кетті

Батыс Қазақстан облысында адамдар мінген көлік суға толы сайға түсіп кетті Төтенше жағдайлар министрлігінің мәліметінше, төтенше жағдай таңғы уақытта Бітік су қоймасы маңында болған. Алдын ала мәлімет бойынша, жол талғамайтын көлік қара жолдан шығып кетіп, суға толы сайға түскен "Оқиға орнына жедел жеткен құтқарушылар. Олар адамдарды көліктен шығаруға көмектесіп, арнайы техниканың көмегімен көлікті жолдың қауіпсіз бөлігіне шығарды. Көлікте 1992, 1995 және 1998 жылы туған үш ер адам болған. Олардың ешқайсысы зардап шеккен жоқ, медициналық көмек қажет емес", - деп хабарлады ТЖМ Құтқарушылардың айтуынша, адам денсаулығына ешқандай салдары болған жоқ Бір күн бұрын Курсив Жамбыл облысында балық аулап жүріп қайықпен аударылып кеткен қырғыз азаматының қалай құтқарылғаны туралы айтып берді. Ал Қапшағайда үш жолаушы мінген кемені жел ұшырып әкетті