Батыс Қазақстанда МЭКС жобалары бойынша коммуналдық инфрақұрылым жаңартылуда

Батыс Қазақстан облысында Энергетика және коммуналдық саланы жаңғырту ұлттық жобасы аясында инфрақұрылымды жаңарту бойынша 10 жоба жүзеге асырылуда. Жұмыс Орал қаласы мен 74 ауылдық елді мекенді қамтиды, жобалардың жалпы құны 16,5 млрд Оралда 1,8 млрд теңгеге No29 кәріздік сорғы стансасы қайта жаңғыртылуда. Жұмыстар аяқталғаннан кейін 50 мың тұрғын мен 39 әлеуметтік нысан тұрақты су бұру жүйесімен қамтамасыз етіледі. Қалада сондай-ақ негізгі жылу желілерінің бірі ТМ-7 жаңартылуда: 1,8 шақырымға жуық құбырларды ауыстыру 10,1 мың адам тұратын 130 көпқабатты тұрғын үйді және 24 әлеуметтік нысанды жылумен қамтуды жақсартады Зачаганск кентінде қуаттылығы 4 мегаватт болатын Саншкола қазандығын жаңғырту жұмыстары аяқталды. Құны 229,3 миллион теңгені құрайтын нысан екі мектепті, полиция бөлімі мен «Қазақтелеком» АҚ филиалын тұрақты жылумен қамтамасыз етті. Сондай-ақ облыстың алты ауданы мен 31 елді мекенде электр желілерін жаңғырту жұмыстары жалғасуда. Оралда 165 шақырымдық 0,4 киловольттық әуе желілерін ауыстыруды жоспарлап отыр, бұл электрмен жабдықтау сенімділігін арттырып, желілердің тозуын азайтуға тиіс