Өзбекстан мемлекеттік қызметтің 10 түрін жеке секторға бермекші

Өзбекстан билігі мемлекеттік қызметтің 10 түрін жеке секторға беруді, сондай-ақ тағы 10 қызметті автоматтандыруды және 25 қызмет түрі бойынша төлемдерді азайтуды көздеп отыр Spot хабарлағандай, Өзбекстан президенті Шавкат Мирзиёев мемлекеттік органдардағы бюрократияны азайту және бизнеске қойылатын міндетті талаптарды қайта қарауға арналған презентациямен танысты. Ұсынылған шаралардың экономикалық тиімділігі бес жыл ішінде 13 миллиард долларға бағаланады Кездесу барысында «қызметтік мемлекет» моделі негізінде мемлекеттік қызмет көрсету саласын жетілдіру жоспарлары талқыланды. 2025 жылы халыққа және бизнеске көрсетілетін қызметтердің саны 61 миллионнан асты, оның 80%-ға жуығы онлайн режимде көрсетілген Реформалар шеңберінде мемлекеттік қызметтің 783 түрі бойынша «нөлдік бюрократия» қағидатын енгізу ұсынылады. Бұл 550 қызметті электронды форматқа көшіруге және оларды көрсету кезеңдерінің санын екі есе қысқартуға мүмкіндік береді Тағы 80 қызметті проактивті және композиттік форматқа көшіру жоспарлануда. Сарапшылардың пікірінше, бұл тұрғындарға жыл сайын мемлекеттік органдарға баруға байланысты көлік шығындарын 35 миллиард сумға дейін үнемдеуге мүмкіндік береді Сонымен қатар, 80 қызмет көрсету мерзімін 2-3 есеге – орта есеппен 13-тен 6 жұмыс күніне дейін қысқарту жоспарлануда. Сондай-ақ 270-тен астам қызмет бойынша ақпаратты қайталап сұрау қажеттілігін жойатын 15 куәлік пен құжат түрін цифрландыру қарастырылған Сондай-ақ 25 қызмет түрі бойынша төлемді азайту ұсынылып отыр. Соның арқасында халыққа жыл сайын 851 миллиард сумға дейін қосымша қаражат болады деп күтілуде