Түркістанда тағы 512 отбасы жаңа баспанаға ие болды

Түркістанда Мемлекеттік рәміздер күнінде 512 отбасы, яғни 3 мыңнан астам тұрғын үй иесі атанды. Өткен жылы облыста 3564 отбасы пәтер кілтін алды. Бұл туралы Түркістан облысының баспасөз қызметі хабарлады Түркістанда Мемлекеттік рәміздер күнінде 512 отбасы, яғни 3 мыңнан астам тұрғын үй иесі атанды. Өткен жылы облыста 3564 отбасы пәтер кілтін алды. Бұл туралы Түркістан облысының баспасөз қызметі хабарлады Түркістан облысының әкімі Нұралхан Көшеров жаңа тұрғындардың қуанышымен бөлісіп, жаңа пәтерлердің кілтін табыс етті «Сіздерді көптен күткен, елең еткізетін оқиғамен шын жүректен құттықтаймын.Бүгін жүздеген отбасының арманы орындалған ерекше күн.«Үй болса, береке бар» деп бекер айтылмаған. Расында, баспана – әрбір отбасының бақыты, тұрақтылығы мен тыныштығының негізі. Мемлекет басшысы Қасым-Жомарт Кемелұлы Тоқаев халықтың әл-ауқатын жақсартуды және азаматтарды баспанамен қамтамасыз етуді өзінің басым бағыттарының бірі ретінде үнемі алға қояды. Осы тапсырмаларды дәйекті жүзеге асырудың арқасында өңірде тұрғын үй құрылысы қарқынды дамып, мыңдаған азаматтардың баспана мәселесі шешілуде», - деді өңір басшысы жиналғандарға сөйлеген сөзінде Оның айтуынша, өткен жылы тұрғын үй кезегінде тұрған азаматтарға 3564 пәтер берілсе, биыл тағы 2292 отбасын баспанамен қамтамасыз ету жоспарлануда. Мемлекеттік рәміздер күні 512 отбасы жаңа баспананың кілтін алды «Бұл үйлердің жайлылығы мен абаттандыруы көп жағдайда тұрғындардың өзіне байланысты.Сондықтан да мен сіздерді өз аулаларыңызға қамқорлық жасауға, аумақты абаттандыру мен көгалдандыруға белсене атсалысуға шақырамын.Осында балаларыңыз өсіп, білім алып, ойнайды.Мемлекет басшысының бастамасымен жүзеге асырылып жатқан «Таза Қазақстан» бағдарламасына қолдау көрсете отырып, әрқайсымыз туған жеріміздің тазалығы мен көркеюіне үлес қосуымыз керек. Шаңырақтарыңызда әрқашан бақ-береке болсын», — деп қосты Нұралхан Көшеров «Жібек жолы» тұрғын үй кешенінің жаңа тұрғындарының арасында халықтың әлеуметтік осал санаттары мен көп балалы отбасылардың өкілдері бар Сондай-ақ, 2025 жылғы 24 мамырда күшіне енген тұрғын үй заңнамасына енгізілген өзгерістерге сәйкес, тұрғын үйге мұқтаж азаматтарды тіркеу, кезекті сақтау және тұрғын үйді бөлу функциялары «Отбасы банкі» АҚ-на берілгені хабарланды. Пәтер кілтін алған азаматтар жаңа жүйенің алғашқы қатысушылары болып «Отбасы банкі» арқылы іріктеуден өтіп, жолдама алды Фото: Түркістан облысы әкімінің баспасөз қызметі Қазақстандағы және әлемдегі оқиғалар туралы ең маңызды нәрселер