Абай ауданында соғыс ардагерлері мен тыл еңбеккерлеріне құрмет көрсетілді

Жеңіс күні қарсаңында облыс әкімі Берік Уәли мереке күндері Мәскеуде жүрген Ұлы Отан соғысының ардагері Григорий Маларовпен байланысып, мерекемен құттықтады, деп хабарлайды Orda.kz Аймақ басшысы Абай ауданындағы жалғыз майдангерге Қасым-Жомарт Тоқаевтың құттықтау хатын оқыды Ардагерге мемлекеттен 5 миллион теңге көлемінде ақшалай сыйлық берілді Биыл жазда Григорий Маларов 100 жасқа толады. 19 жасында Отан қорғауға аттанып, соғыстың алғы жолдарын жүріп өтті. 2-ші Балтық майданы құрамында Эстония мен Польшаны азат етуге қатысып, Берлинге дейін жетіп, ерлігімен Жеңістің жақындауына үлес қосты Соғыстан кейінгі жылдары Шүлбі су электр станциясында бас экономист қызметін атқарды. Энергетика саласын дамытуға қосқан үлесі және көп жылғы адал еңбегі үшін «Ерен еңбегі үшін» және «Еңбек ардагері» медальдарымен марапатталған Сондай-ақ бүгін өңір басшысы Семейде тұратын тыл еңбеккерлері Шайхслям Өскенбаев пен Иван Бельгерге барып, мерекелерімен құттықтады Шайхслям Өскенбаев соғыс басталғанда 13 жаста еді. Сол жылдары әкесі еңбек әскеріне жіберілді, ал анасы ауылда қалып, солдаттарға қолғап тоқып, бір мезгілде ауыл шаруашылығы жұмыстарына араласты. 14 жасында колхозда еңбек ете бастады Соғыстан кейінгі жылдарда халық депутаттары Кеңесі жанындағы ауылдық кеңестің төрағасы қызметін атқарып, жерлестері арасында үлкен құрметке ие болды. Қоғамдық өмірге белсене араласып, облыстың әлеуметтік дамуына үлес қосты. Бүгінде балалары мен немерелерінің ортасында Семей қаласында тұрады. 98 жастағы ардагер соғыс жылдарындағы жанқиярлық еңбегі үшін бірқатар мемлекеттік наградалармен марапатталған. Ақсақал өз тілегін жеткізіп, жас ұрпаққа ақ батасын берді Иван Бельгер 1927 жылы дүниеге келген. Екінші дүниежүзілік соғыстың басталуымен еңбек жолын ерте бастады: орман шаруашылығында жүргізуші, кейін механик болып жұмыс істеді. Соғыс жылдарында Бельгер отбасы Қазақстанға жер аударылып, алдымен Павлодар облысына, кейін Майқарағай орман шаруашылығына қоныстанды. Иван Иванович 15 жасында ауыр көліктерді жүргізіп, тылда еңбек етті. Кейін Екібастұз қаласында көмір автоматика саласында бас механик болып жұмыс істеп, 58 жыл еңбек өтілімен зейнеткерлікке шықты. Қазіргі уақытта Семей қаласында тұрады. 99 жастағы ардагер «Ерен еңбегі үшін», «Тың жерлерді игергені үшін», «Еңбек ардагері» медальдарымен марапатталған Тыл еңбеккерлерін Жеңіс күнімен құттықтаған облыс әкімі олардың өмір жолы өскелең ұрпаққа үлгі екенін атап өтті Айта кетерлігі, 100 мыңға жуық адам туған жерін қорғауға облыстан аттанса, оның 44 мыңнан астамы елге оралмаған. Майданда көрсеткен ерлігі үшін облыстың 56 тумасы Кеңес Одағының Батыры атағын алды