Қырғызстанда жаңа әнұранды таңдау ережелері өзгертілді

Қырғызстан жаңа мемлекеттік әнұранды таңдау ережелерін өзгерту туралы шешім қабылдады. Бұл бастаманы конституциялық заңнама комитетінің отырысында Қырғызстан Мәдениет министрінің орынбасары Союзбек Надырбеков көтерді. Ол бұрынғыдай ашық конкурстың орнына әнұран жасауға мемлекеттік тапсырыс енгізуді, сондай-ақ орындау мерзімін 1 желтоқсанға дейін ұзартуды ұсынды Шенеунік осыған дейін әнұранның жаңа редакциясына екі байқау өткізіліп, 603 автордың 902 жобасы қаралғанын еске салды «Ашық конкурс күткен нәтиже бермеді, сондықтан бұл жобаны мемлекеттік тапсырыс арқылы жүзеге асыру ұсынылып отыр», - деді вице-министр Комитет мүшелері ағымдағы қаулыға түзетулерді мақұлдады Қырғызстанда мемлекеттік әнұранды жаңарту туралы талқылаулар бірнеше жылдан бері жалғасып келеді. 2024 жылы Парламент спикері Нұрланбек Тұрғынбекұлы әнұранның мәтінін қайта қарау бастамасын көтеріп, оның еліміздің заманауи дамуын дәлірек көрсетуі керектігіне тоқталды Бұл идеяны Қырғызстан президенті Садыр Жапаров қолдап, қазіргі әнұран тәуелсіздіктің алғашқы жылдарында қабылданғанын және бүгінгі мемлекеттік болмысқа толық сәйкес келмейтінін атап өтті Жаңа әнұран жасауға арналған алғашқы конкурс 2025 жылы жарияланды, бірақ нәтиже бермеді. Осыдан кейін комиссияның жұмыс мерзімі ұзартылған іріктеудің жаңа кезеңі басталды Қырғызстанның қазіргі әнұраны 1992 жылы 18 желтоқсанда қабылданды. Оның авторлары – ақындар Жалил Садықов пен Шабданбек Кулуев, музыкасын жазған – Насыр Давлесов пен Қалы Молдобасанов Azattyk Asia © 2026 Азаттық радиосы, Inc. | Барлық құқықтар қорғалған