Қостанай облысында Тобылда суға кеткен ер адам мен оның алты жасар немересінің мәйіттері табылды

Қостанай облысында Алтын дала ауылы маңында Тобыл өзеніне батып кеткен 59 жастағы ер адам мен оның алты жасар немересінің мәйіттері табылды. Қайғылы оқиға 14 маусымда суға түсуге тыйым салынған жерде болған Төтенше жағдайлар департаментінің алдын ала мәліметі бойынша, отбасы өзен жағасында демалып жатқан кезде судың жанында ойнап жүрген бала қатты ағыс аймағына тап болған. Атасы оны құтқармақ болған, бірақ ағыс екеуін де алып кеткен Іздеу жұмыстарына құтқарушылар, полицейлер, дәрігерлер, жергілікті атқарушы органдардың өкілдері мен еріктілер қосылды. Барлығы 40-қа жуық адам, 13 техника, екі су кемесі, дрон және үш сүңгуір бригадасы жұмылдырылды Оқиға орнынан шамамен 1,5 шақырым жерде 2020 жылы туған баланың денесі табылды. 1967 жылы туған ер адамның мәйіті ағыстың 5 шақырымдай төменінен табылды. Төтенше жағдайлар қызметі тұрғындарды тыйым салынған жерлерде суға түспеуге және суда жүргенде құтқару кеудешелерін қолдануға шақырады