Қазақстанда неке саны азайып барады: ТҚК себептерін атады

Статистика Халықаралық отбасы күні жарияланды. BNS мәліметтері бойынша, 2015 жылы елімізде 148,8 мың неке тіркелсе, 2025 жылы 116 мың неке тіркелген Неке қию деңгейі де төмендеді. Егер он жыл бұрын әрбір мың тұрғынға 8,48 неке болса, 2025 жылы бұл көрсеткіш 5,69 болған Некенің ең жоғары көрсеткіші Астанада тіркелді – мың адамға шаққанда 6,75 неке. Ең төменгі көрсеткіштер Қызылорда облысында – 5,06 және Батыс Қазақстан облысында – 5,1 болды Ұлттық статистика бюросы елорданың жоғары көрсеткіштері жастардың белсенді көші-қоны мен еңбекке жарамды халықтың шоғырлануымен байланысты болуы мүмкін деп санайды Сонымен қатар, Қазақстандағы соңғы 20 жылдағы некеге тұрудың ең жоғары көрсеткіші 2012–2013 жылдары болды. Сонда бұл көрсеткіш мың адамға шаққанда 9,8–9,9 некеге жетті. Салыстыру үшін 2005 жылы коэффициент 8,12 болды Мамандар некеге тұру санының азаюының бір себебі демографиялық толқын деп отыр. 1980 жылдардың аяғындағы үлкен ұрпақтан кейін 1990 жылдардың соңындағы ұрпақ неке жасына аяқ басты, бұл кезде елде туу деңгейі айтарлықтай төмен болды Оның үстіне қазақстандықтар кейінірек тұрмысқа шыға бастады. Соңғы он жылда бірінші некеге тұрудың орташа жасы ерлер үшін 0,7 жасқа, әйелдердікі 0,6 жасқа артты. 2025 жылы ерлер орта есеппен 27,9 жаста, әйелдер 25,3 жаста үйленеді