Қазақстанда 25 халықаралық қонақүй ашылады

Hilton және Marriott компаниясының ауқымды жобалары 2027 жылдың соңына дейін іске қосылады Қазақстанда туризм саласын жаңғырту бойынша ауқымды науқан басталды. Іске асыру сатысында жалпы құны 1,3 трлн теңгені құрайтын 328 инвестициялық жоба бар. Бұл жобалар 10 мыңға жуық тұрақты жұмыс орнын ашуға мүмкіндік береді. Бұл туралы Үкімет отырысында Туризм және спорт министрі Ербол Мырзабосынов айтты, деп хабарлайды Kapital.kz іскерлік ақпарат орталығының тілшісі Іске асырылған инвестициялық жобалардың қатарында құны 57 миллиард теңгені құрайтын Алматы облысындағы Ой-Қарағай тау курорты, құны 11 миллиард теңге тұратын Қонаев қаласындағы ASP Arena спорттық ойын-сауық кешені және құны 2 миллиард теңге болатын PetroRetail PFS көп функционалды жол бойындағы сервистік нысаны бар «Сонымен қатар халықаралық деңгейдегі 25 қонақүй пайдалануға беріледі.2027 жылдың соңына дейін аяқталуы жоспарланған ірі жобалардың қатарында құны 17,5 миллиард теңге болатын Шымкенттегі «Хилтон» қонақ үйі, құны 28 миллиард теңге тұратын Қонаевтағы «Марриот» қонақ үй кешені және құны 53 миллиард теңге болатын «Жібек жолы» демалыс-сауықтыру кешені бар», - деді министр Ербол Мырзабосынов Қазақстан шетелде белсенді түрде жарнамаланып жатқанын қосты. Әлемдік БАҚ-та, интернетте, әлеуметтік желілерде ел туралы айтылып жатыр. Сонымен қатар, Қазақстан Қытай, Үндістан, Жапония, Оңтүстік Корея және Ресейдің түсірілім топтарына кинотелевизиялық жобаларға көмектесті. Қазақстан туралы материалдар тоғыз шетелдік интернет-басылымда сегіз цифрлық және баспа медиа платформасында жарияланды. Жалпы аудитория 53 миллион оқырманнан асты. Жарнамалық науқандар TikTok және Qunar платформаларында жүзеге асырылды, олар 19 миллионнан астам қаралым жинады. Жыл басынан бері Үндістан, Қытай және Жапонияның 27 шетелдік БАҚ өкілдері мен туроператорлары үшін төрт ақпараттық тур ұйымдастырылды «Қазақстанның туристік әлеуетін одан әрі ілгерілету үшін Қытай нарығында маркетингтік жобаларды жүзеге асыру және оңтүстіккореялық Hana Tour туристік платформасымен ынтымақтастықты дамыту жоспарлануда», - деді министр Еске салайық, туризмнің Қазақстан экономикасына қосқан үлесі 5 триллион теңгеге жетті. Туризм саласына тартылған инвестиция көлемі өткен жылмен салыстырғанда 33 пайызға артып, 1,3 триллион теңгеге жетті. Конгресс және іскерлік туризм Қазақстанның жоғары экспорттық әлеуетін көрсетеді. Елімізде өткізілген 13 халықаралық шара экономикаға 18 миллион долларға жуық табыс әкелді Іскерлік туризм Қазақстанға 18 миллион доллар табыс әкелді, бірақ дестинацияның дамуына инфрақұрылымдық шектеулер кедергі келтіруде Kapital.kz іскерлік ақпарат орталығының материалдарымен жұмыс істеу кезінде дереккөзге міндетті гиперсілтемемен мәтіннің тек 30% ғана пайдалануға рұқсат етіледі. Толық материалды пайдалану кезінде редактордың рұқсаты қажет