Грузияда қауіпсіздік күштері 45 заңсыз иммигранттарды ұстады. Олардың арасында Қазақстан, Қырғызстан, Түркіменстан және Өзбекстан азаматтары бар

Грузияда қауіпсіздік күштері заңсыз көші-қонмен күрес аясында 45 шетел азаматын ұстады. Бұл туралы Грузияның ішкі істер министрлігі хабарлады Ұсталғандардың арасында Кения, Түрікменстан, Түркия, Өзбекстан, Қырғызстан, Ресей, Қазақстан, Пәкістан, Алжир, Таиланд, Уганда, Үндістан, Бангладеш, Танзания, Эфиопия, Нигерия және Судан азаматтары бар «Арнайы иммиграциялық бақылау шаралары аясында департамент қызметкерлері Грузияда заңды негізсіз жүрген шетелдік азаматтарды анықтауға бағытталған әртүрлі мақсаттағы нақты орындар мен нысандарды тексерді», - делінген хабарламада. Олардың барлығы елден қуылады Грузияның Ішкі істер министрлігі осындай рейдтерді жүйелі түрде өткізіп, елде заңсыз жүрген шетелдіктерді елден шығарып отырады Бұған дейін елде иммиграциялық заңнаманы қатайтқан болатын. Атап айтқанда, болу мерзімін бұзғаны үшін айыппұлдар ұлғайтылып, наразылық акцияларына қатысу ережелерін бұзғаны үшін шығаруға рұқсат етілді. 2025 жылдың 11 айында елде заңды негізсіз жүрген 1131 шетел азаматы Грузиядан шығарылды Azattyk Asia © 2026 Азаттық радиосы, Inc. | Барлық құқықтар қорғалған