ЕО бір жыл ішінде ресейліктерге 620 мыңнан астам Шенген визасын берді

2025 жылы Еуропалық Одақ елдері Ресей азаматтарына 620 мыңнан астам виза берді, бұл 2024 жылмен салыстырғанда 10,2 пайызға көп. Бұл туралы Euractiv ЕО-ның құпия деректеріне сілтеме жасап хабарлайды Өткен жылы ресейлік азаматтарға берілген Шенген визаларының басым бөлігі туристік визалар болды – 477 мың немесе жалпы санның 77 пайызы. Euractiv мәліметінше, ресейліктерге ең көп визаны Франция, Италия және Испания берген Сонымен қатар, статистикаға ЕО мүшелігін сақтай отырып, Шенген келісіміне қатыспауға құқығы бар Ирландия және Еуропалық Одаққа мүше болмай Шенген ережелеріне қосылған Норвегия, Швейцария және Исландия берген визалар енгізілмеген Осы кезеңде ресейліктер Шенген визасын алуға 670 мыңнан астам өтініш берді, бұл бір жылмен салыстырғанда 8 пайызға көп Ресейдің Украинаға жаппай басып кіруінен кейін ЕО елдері Ресейге Шенген визасын алудың жеңілдетілген тәртібін жойды. Бірқатар мемлекеттер, соның ішінде Балтық жағалауы елдері, Польша, Чехия, Дания Ресей азаматтарына туристік виза беруді мүлдем тоқтатты. Алайда басқа елдер оларды шығаруды жалғастыруда. Соның салдарынан Еуропаға ресейлік туристер әлі де барады, бірақ олардың саны соғысқа дейінгіден аз Azattyk Asia © 2026 Азаттық радиосы, Inc. | Барлық құқықтар қорғалған