Астанада Кипр елшілігі ресми түрде ашылды

Салтанатты шараға Мемлекет басшысы Никос Христодулидес қатысты Астанада Кипр елшілігі ашылды. Салтанатты шараға Қазақстанға алғашқы ресми сапарымен келген республика Президенті Никос Христодулидес қатысты, деп хабарлайды Kapital.kz іскерлік ақпарат орталығының тілшісі Сыртқы істер министрлігінің баспасөз қызметіне сілтеме жасап Сыртқы істер министрлігі Қазақстандағы Кипр елшілігі Никосияның Орталық Азиядағы алғашқы дипломатиялық өкілдігі болғанын, бұл сауда-экономикалық және инвестициялық ынтымақтастықты кеңейту үшін қосымша мүмкіндіктер туғызатынын атап өтті Қазақстанның Сыртқы істер министрі Ермек Көшербаев Кипр Қазақстанның Еуропалық Одақтағы маңызды серіктесі екенін және елшіліктің ашылуы Орталық Азия мен Жерорта теңізі аймағы арасындағы саяси диалогты одан әрі нығайтып, өзара іс-қимылды дамытуға мүмкіндік беретінін атап өтті Естеріңізге сала кетейік, бүгін Тәуелсіздік сарайында елімізге ресми сапармен келген Кипр Республикасының Президентін ресми қарсы алу рәсімі өтті. Мемлекет басшысы бұл Кипр Республикасы Президентінің Қазақстан Республикасына дипломатиялық қарым-қатынас орнағаннан кейінгі бірінші сапары екенін атап өтті. Одан кейін тараптар шағын құрамда келіссөздер жүргізді. Қасым-Жомарт Тоқаев 2028 жылға дейінгі экономикалық ынтымақтастықтың Жол картасын әзірлеуді ұсынды. Ол Экономикалық ынтымақтастық жөніндегі үкіметаралық комиссия мен Іскерлік кеңес құруға, сондай-ақ сауда делегацияларымен тұрақты алмасуға бастамашы болды Қазақстан мен Кипр президенттерінің ресми келіссөздерінің қорытындысы бойынша екі ел делегацияларының мүшелері бес ведомствоаралық меморандумдар мен келісімдерге қол қойды Инвесторларға Астананың технологиялық әлеуеті, АХҚО және Транскаспий бағытының мүмкіндіктері ұсынылды Kapital.kz іскерлік ақпарат орталығының материалдарымен жұмыс істеу кезінде дереккөзге міндетті гиперсілтемемен мәтіннің тек 30% ғана пайдалануға рұқсат етіледі. Толық материалды пайдалану кезінде редактордың рұқсаты қажет