Алматыда 17 миллиард теңгені ұрлағаны үшін Хорватия іздеуде жүрген шетелдік ұсталды

Алматыда шетелдік азамат ұсталды; Хорватияның құқық қорғау органдары оған ірі ұрлық жасады деген күдікпен халықаралық іздеу жариялады, деп хабарлайды Polisia.kz Тергеушілердің айтуынша, сотталушы қылмыстық топ құрған. Қылмыстық топ ақша ұрлаумен және оны жылыстатумен айналысқан. Келтірілген шығын көлемі 30 миллион еуроға бағаланып отыр – шамамен 17 миллиард теңге Астанада аса ірі көлемдегі алаяқтық ісі бойынша мемлекетаралық іздеуде жүрген тағы бір күдікті ұсталды. Тергеушілердің айтуынша, ол Алматыда тұрғын үй кешенін саламыз деген желеумен үлескерлердің ақшасын заңсыз тартып алған. Тергеу келтірілген шығынды шамамен 1,5 миллиард теңгеге бағалап отыр Сонымен қатар, Тбилисиде Қазақстан Ішкі істер министрлігінің өтініші бойынша халықаралық іздеуде жүрген еліміздің азаматы ұсталды. Қазір оны экстрадициялау мәселесі шешілуде. Тергеу оны көліктерді сатуда бірқатар алаяқтық жасады деп күдіктенеді, нәтижесінде жәбірленушілер 118 миллион теңгеден астам шығынға ұшырады Молдова аумағында Қазақстанның құқық қорғау органдары халықаралық іздеуде жүрген шет мемлекеттің азаматын ұстады. Тергеу мәліметтері бойынша, ол Қарағанды облысындағы дәрі-дәрмек зертханасының қызметін үйлестіріп, қаржыландырған «Жыл басынан бері құқық қорғау органдары Қазақстаннан іздеуде жүрген 80 адамды елден тыс жерде анықтады, олардың 47-сі ұсталды. Сондай-ақ, республика аумағында шетел мемлекеттерінің бастамасымен іздеуде жүрген 371 адам ұсталды. Оның ішінде 107 күдікті ұсталды», - делінген хабарламада Мамыр айында Германияда қазақстандық тыңшылық жасады деген күдікпен ұсталған болатын Informburo.kz сайтынан сәйкес тақырыптар бойынша жаңалықтар мен материалдар