Алматыда пышақ жарақатын алған 12 жасар бала көз жұмды

Алматының Түрксіб ауданында 12 жасар жасөспірім қайтыс болды. Бұл туралы 12 маусымда Алматы полиция департаментінің баспасөз қызметі хабарлады. Оның өліміне қатысы бар деген күдікпен 13 жастағы мектеп оқушысы ұсталып, арнайы мекемеге орналастырылды Полиция департаментінің мәліметінше, жәбірленуші пышақталған Туыстарының айтуынша, 12 жасар баланы «біреуінің үйіне алдап кіріп, тоғыз жерден пышақ сұққан» Полиция күдіктінің мамандандырылған мекемеге орналастырылғанын айтты. Жасөспірімнің өліміне қатысты қылмыстық іс қозғалып, тергеу жүріп жатыр Сондай-ақ ведомство тергеу нәтижелері бойынша кәмелетке толмағандардың ата-аналарының «дұрыс тәрбие бермегені үшін» жауапкершілігі туралы мәселе қаралуы мүмкін екенін хабарлады Қаза болған баланың ата-анасы, деп жазады қазақстандық БАҚ, күдіктілердің жасына байланысты қылмыстық жауапкершілікке тартылмайтынына наразы Қазақстанның Қылмыстық кодексіне сәйкес жалпы қылмыстық жауаптылық 16 жастан басталады.Кейбір ауыр және аса ауыр қылмыстар, оның ішінде кісі өлтіру үшін 14 жастан бастап қылмыстық жауапкершілікке тартылуы мүмкін Azattyk Asia © 2026 Азаттық радиосы, Inc. | Барлық құқықтар қорғалған