Өзбекстан Қазақстандағы ондаған еңбек мигранттарының құжаттарын қайтарды

Өзбекстанның Алматыдағы бас консулдығы Қазақстандағы жосықсыз жұмыс берушілер құжаттарын тартып алған 34 еңбек мигрантының төлқұжаттарын қайтаруға көмектесті. Дипломаттардың араласуынан кейін құжаттар иелеріне берілді. Бұл туралы Dunyo ақпараттық агенттігі хабарлады Ведомствоның мәліметінше, Қазақстанда қиын жағдайға тап болған Өзбекстан азаматтарына көмек көрсетілген Құжаттарды қайтарумен қатар, 11 адам жатақханаға уақытша орналастырылса, материалдық қиыншылыққа тап болған 13 азаматтың Өзбекстанға билет құнын мемлекет төледі Сондай-ақ, медициналық көмекке мұқтаж бір азамат ауруханаға жатқызылды – емделуге кеткен шығынды мемлекет өз мойнына алды Дипломаттар уақытша ұстау изоляторларында отырған Өзбекстанның 221 азаматымен бөлек бейнеконференция өткізді. Оларға туған елге оралуға қажетті құжаттар дайындалды Сонымен қатар, Бас консулдық қызметкерлері Шымкент, Қызылорда, Жамбыл және Түркістан облыстарында жер-жерлерде консулдық қабылдаулар ұйымдастырып, өзбек мигранттары жұмыс істейтін құрылыс нысандарын аралады. Кездесулер барысында азаматтарға Қазақстанның көші-қон заңнамасының нормалары ескертіліп, еңбек мигранттарын қолдаудың жаңа шаралары туралы айтылды