Өзбекстан мен Түркия зейнетақы тәжірибесін өзара мойындауды талқылап жатыр

Ташкентте Өзбекстанның Экономика және қаржы министрлігіне қарасты Зейнетақы қоры мен Түркияның Еңбек және халықты әлеуметтік қорғау министрлігі арасында келіссөздер өтті Kun.uz сайтының хабарлауынша, келіссөздер барысында тараптар екі елде зейнетақы тағайындау кезінде жұмыс уақытын есепке алуға және еңбек мигранттарының зейнетақы құқығынан айырылуын болдырмауға мүмкіндік беретін бірлескен зейнетақы жүйесін құру мәселесін талқылады Тараптар тиісті ведомстволар арасындағы өзара іс-қимыл тәртібін анықтауға, сондай-ақ еңбек өтілі мен зейнетақы төлемдерін есепке алу тетіктерін белгілеуге тиіс мемлекетаралық келісім мен өзара түсіністік туралы меморандум жобасын келісу ниетінде екені хабарланды Бұл мәселе Өзбекстан үшін өте өзекті, өйткені ел азаматтарының едәуір бөлігі Түркияда жұмыс істейді. Сонымен қатар, келісім түрік тарапын да қызықтырады – ол Өзбекстанда жұмыс істейтін өз азаматтарына әлеуметтік кепілдіктер береді Түркия көші-қон қызметінің мәліметінше, Түркияда тұруға рұқсат алған шетелдіктер арасында Өзбекстан азаматтары көш бастап тұр. 2025 жылдың сәуір айындағы мәлімет бойынша, елде тұруға рұқсаты бар 58 747 Өзбекстан азаматы тіркелген. Бірақ тіркелмеген мигранттар мен заңсыз жұмыс істейтіндерді ескерсек, бұл көрсеткіш әлдеқайда көп Соңғы уақытқа дейін Қырғызстан Түркиямен әлеуметтік қамсыздандыру туралы келісім жасасқан Орталық Азиядағы жалғыз мемлекет болды. Бұл құжат 2020 жылдың 1 қарашасынан бастап жарамды және Түркияда ресми түрде жұмыс істейтін Қырғызстан азаматтарына зейнетақы құқығын береді Azattyk Asia © 2026 Азаттық радиосы, Inc. | Барлық құқықтар қорғалған