Атырау облысында Қиғаш өзеніндегі су деңгейі біртіндеп төмендеп келеді

«Қазгидромет» РМК мәліметі бойынша, 8 маусымдағы жағдай бойынша Қиғаш өзеніндегі Бөкейхан өлшеу стансасындағы су деңгейі тәулігіне 2 сантиметрге төмендеп, 258 сантиметрді құраған. Бұл көрсеткіш қауіпті деңгейден айтарлықтай төмен, яғни 518 сантиметр Қиғаш өзені бойындағы Шортанбай ауылының маңында орналасқан бақылау-өлшеу бекетінде су деңгейі 400 сантиметрді құрап, өткен күнмен салыстырғанда 3 сантиметрге азайды. Бұл жердегі қауіптілік белгісі 555 сантиметр Құрманғазы ауылында орналасқан Шарон өзенінің бойындағы өлшеу стансасында су деңгейі 272 сантиметрді құрап отыр. Мұнда қауіпті деңгей 422 сантиметр болып белгіленген Құрманғазы ауданы әкімдігінің хабарлауынша, өзен арнасының жай-күйі, оның өткізу қабілеті мен су деңгейі күнделікті бақылауда Сонымен қатар, қорғаныс және алдын алу шаралары ұйымдастырылды — Өзендегі гидрологиялық жағдай тұрақты бақылауда. Су деңгейі табиғи маусымдық көктемгі процестерге сәйкес көтеріледі және елді мекендерге, тұрғын үйлерге немесе сауда нысандарына қауіп төнбейді. Қосымша қорғаныс шаралары мен профилактикалық жұмыстар ұйымдастырылды. Мамандардың айтуынша, су көлемінің ұлғаюы бақылаудан тыс деңгейге жеткен жоқ, деп хабарлады аудан әкімдігі Жыл басынан бері Құрманғазы ауданы арқылы ағып жатқан Қиғаш өзеніндегі су деңгейі 1 метрге жуық көтерілгенін бұған дейін хабарлаған болатынбыз