ЕАЭО елдерінде өзін-өзі азық-түлікпен қамтамасыз ету деңгейі 94 пайыз –

ЕАЭО елдерінде өзін-өзі азық-түлікпен қамтамасыз ету деңгейі 94 пайызды құрайды. Бұл туралы Санкт-Петербург халықаралық экономикалық форумы аясында РФ вице-премьері Алексей Оверчук мәлімдеді «Одаққа мүше мемлекеттерде ауыл шаруашылығы өндірісі нақты мәнде шамамен үштен біріне, өзара сауда 2,7 есеге, экспорт 2,5 есеге өсті», - деді ол Алексей Оверчуктың айтуынша, ЕАЭО таза импортерден азық-түліктің тұрақты таза экспортеріне айналды. Азық-түлікпен өзін-өзі қамтамасыз ету деңгейіне ерекше назар аударылады. Бүгінгі таңда ЕАЭО өнімдердің негізгі түрлеріне – астық, ет, сүт, қант, өсімдік майы және жұмыртқаға негізгі қажеттіліктерді толығымен өтейді Сондай-ақ Алексей Оверчук ЕАЭО аграрлық секторын дамытудың ұзақ мерзімді стратегиясының екі негізгі басымдығын атап өтті. Біріншісі – қатысушы мемлекеттердің ішкі тұрақтылығы мен азық-түлік қауіпсіздігін қамтамасыз ету. Екіншісі – ауыл шаруашылығы өнімдерінің сыртқы нарыққа белсенді шығуына жағдай жасау «Бұл міндеттер өзара байланысты және бірін-бірі толықтырады», - деп атап өтті РФ Премьер-Министрінің орынбасары Практикалық қадамдардың қатарында ол аграрлық сектордағы кооперативтік жобаларды қаржыландырудың ұлтүстілік тетігін қалыптастыруды атады. 2026 жылдың соңына дейін барлық қажетті нормативтік-құқықтық базаны толық қалыптастырып, осындай жобаларды іске қосу жоспарлануда