ЮНЕП: 2030 жылға қарай мұхиттардың 30 пайызын қорғау мақсаты алыс перспектива болып қала береді

БҰҰ-ның қоршаған ортаны қорғау бағдарламасы (ЮНЕП) дүниежүзілік мұхиттарды қорғау саласында айтарлықтай жетістіктерге қол жеткізілгенін хабарлады ҚазАқпарат агенттігінің хабарлауынша, ұйым Найробиде таратқан ақпаратқа сәйкес, қазір мұхиттардың 10,01 пайызы ресми түрде қорғалатын аумақтар қатарына жатқызылған. Дегенмен, халықаралық қауымдастықтың 2030 жылға қарай мұхиттардың 30 пайызын қорғау жөніндегі басты мақсаты алыс перспектива болып қала береді. ЮНЕП бағалауы бойынша, бұл мақсатқа жету үшін Үнді мұхитының көлеміне жуық қосымша теңіз аймағын қорғау қажет. Негізі ерекше қорғалатын табиғи аумақтарды 10 пайызға жеткізу мақсаты 2020 жылы жүзеге асуы керек еді БҰҰ-ның 2025 жылға арналған есебіне сәйкес, соңғы жылдары теңізді қорғау саласында біршама жетістіктерге қол жеткізілгенімен, шаралардың көпшілігі жекелеген елдердің ұлттық суларын қамтыды. Ашық теңіздерде, яғни халықаралық суларда жағдай күрделене түсуде. Осылайша, Дүниежүзілік мұхиттың 60 пайыздан астамын құрайтын бұл аумақтардың тек 1,6 пайызы ғана қорғалатын статусқа ие Мамандар қазіргі кездегі мәселелердің бірі – теңіздегі ерекше қорғалатын табиғи аумақтарды тиімді басқарудың жоқтығы екенін айтады. Бақылау тетіктерінің әлсіздігі және бұл жерлерде патрульдік қызметтің жоқтығы қорғаныс шараларының тиімділігін төмендетеді Ағымдағы жылдың қаңтарында күшіне енген БҰҰ-ның ашық теңіздер туралы конвенциясы мұхиттардың биоәртүрлілігін қорғауға бағытталған алғашқы жаһандық құқықтық құжат болып саналады. 20 жылға жуық келіссөздер нәтижесінде қабылданған құжат ашық теңіздер мен терең мұхит аймақтарындағы экожүйені қорғауды көздейді. Сарапшылар алдағы жылдары халықаралық ынтымақтастықты нығайту және тиімді басқару тетіктерін енгізу мұхиттарды қорғаудың жаһандық мақсаттарына қол жеткізуде шешуші рөл атқаратынын айтады 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек