Қазақ балуаны Нилуфар Райымова Ulaanbaatar Open турнирінің қола жүлдегері атанды

2026 жылғы 5 маусымда жарияланған 17:11 Бүгін күрестен Ulaanbaatar Open халықаралық рейтингтік турнирінде әйелдер арасындағы жарыс басталды. Қазақстандық Нилуфар Райымова (57 келі) турнирдің қола жүлдегері атанды Үшінші орын үшін болған белдесуде Райымова сингапурлық Даниэль Сью Чинг Лимді 10:0 есебімен жеңді Марал Тәңірбергенова (50 келі) пен Жәмилә Бақбергенованың (72 келі) қола жүлдеге мүмкіндігі болды. Алайда Тәңірбергенова үндістандық Нилам Н.-ға есе жіберсе, Бақбергенова жарақатына байланысты турнир қожайыны Моңғолиядан келген Оджерел Эрдэнэ Очирге қарсы шыға алмады Бұған дейін грек-рим күресінен қазақ балуандары бір күміс (Нұрасыл Аманалы) және екі қола (Еркебұлан Ардақов пен Олжас Сырлыбай) жеңіп алған болатын 4-7 маусым аралығында Моңғолия астанасында күрестен World Ranking Series Ulaanbaatar Open-2026 халықаралық турнирі өтуде. Барлығы 30 жүлделер жинағы (грек-рим, еркін және әйелдер күресінен әрқайсысы он) сарапқа салынады. Қазақстан құрамасы сапында 31 спортшы бар