Полиция құқық қорғаушы Азиза Әбдірасулованы қамауға алғаны хабарланды

«Қылым шамы» үкіметтік емес ұйымының негізін қалаушы, құқық қорғаушы Азиза Әбдірасулованы Ноокен аудандық полиция қызметкерлері ұстағаны хабарланды. Мұны 15 маусымда "Азаттыққа" күйеуі растады "Қазір өзі хабарласты, Ноокенді аудандық ішкі істер бөліміне әкелгенін айтты. Келген қызметкерлер оған қағаз көрсетті", - деді ол Аудандық полиция бұл туралы мәлімет бермеді Әбдірасулова 15 маусымда Facebook әлеуметтік желісінде өзін Ұлттық қауіпсіздік мемлекеттік комитеті мен Ноокен аудандық полициясының қызметкерлеріміз деп таныстырған белгісіз біреулер телефон соғып, қоқан-лоққы көрсетіп жатқанын жазған Ол Facebook әлеуметтік желісінде азаматтық белсенді Мавлян Асқарбековтің ұсталғаны туралы жазған жазбаларынан кейін арнайы қызмет пен полицияның қудалауы басталғанын атап өтті. Құқық қорғаушы ол посттарда ешқандай заң бұзушылық жоқ дейді Арнайы қызмет, полиция және Ішкі істер министрлігі Әбдірасулованың соңғы мәлімдемесіне әзірге түсініктеме берген жоқ Әзиза Әбдірасулова отыз жылға жуық адам құқығын қорғаумен айналысады. 2002 жылдан бері «Қылым шамы» үкіметтік емес ұйымы адам құқықтарын қорғау, елдегі саяси-қоғамдық және басқа да оқиғаларды, сайлауларды, жабық орындардағы және әскердегі адам құқықтарын қадағалау бағытында жұмыс істеп келеді Бірер жыл бұрын ұйым басшылығын қызына тапсырған Әбдірасулова құқық қорғау қызметіне байланысты өмірінің қауіпсіздігі үшін 2024 жылы туған жерінен кетуге мәжбүр болғанын айтты Бір жылдан кейін елге оралды Биыл 21 қаңтарда Азиза Әбдірасуловаға Еуропа Кеңесінің Рауль Валленберг сыйлығы табыс етілді. Еуропалық кеңес мәлімдемесінде Әбдірасулованың Орталық Азиядағы «адам құқықтарының жүйелі түрде бұзылуын әшкерелеудегі теңдесі жоқ күш-жігері», әсіресе тұтқындардың құқықтарын қорғау, азаматтардың еркін жиналу құқықтарын қорғау және азаптаумен күрестегі қажырлы еңбегі жоғары бағаланғаны атап өтілді. (ZKo)