Құқық қорғаушы Азиза Әбдірасулова телефон арқылы қоқан-лоққы көрсетіп жатқанын хабарлады

«Қылым шамы» үкіметтік емес ұйымының негізін қалаушы, құқық қорғаушы Азиза Әбдірасулова өзін Ұлттық қауіпсіздік комитеті мен Ноокен аудандық полициясының қызметкерлеріміз деп таныстырған белгісіз біреулер телефон соғып, қоқан-лоққы көрсетіп жатқанын айтады. Ноокен аудандық полициясынанбыз деп телефон соққандар полиция бөлімшесіне баруымды талап етті. Қай бапқа сүйеніп баруым керек?», ал ресми шақыруды талап етсем, «әңгімелесуге келерсің» дейді. Қысқасы, фейсбуктегі жазбамнан кейін мені аңдый бастады, күйеуім жақында көлігін ауыстырған болатын, ол көлікке қызығушылықтарын жасырмады. Құқық қорғаушы ол посттарда ешқандай заң бұзушылық жоқ дейді Арнайы қызмет, полиция және Ішкі істер министрлігі Әбдірасулованың соңғы мәлімдемесіне әзірге түсініктеме берген жоқ. Әзиза Әбдірасулова отыз жылға жуық адам құқығын қорғаумен айналысады. 2002 жылдан бері «Қылым шамы» үкіметтік емес ұйымы еліміздегі саяси-қоғамдық және басқа да оқиғаларды, сайлауларды, жабық орындардағы, әскердегі адам құқықтарын қадағалап, адам құқығын қорғау бағытында жұмыс істеп келеді Бір жылға жуық уақыттан кейін елге оралды Биыл 21 қаңтарда Азиза Әбдірасуловаға Еуропа Кеңесінің Рауль Валленберг сыйлығы табыс етілді. Еуропалық кеңес мәлімдемесінде Әбдірасулованың Орталық Азиядағы «адам құқықтарының жүйелі түрде бұзылуын әшкерелеудегі теңдесі жоқ күш-жігері», әсіресе тұтқындардың құқықтарын қорғау, азаматтардың еркін жиналу құқықтарын қорғау және азаптаумен күрестегі қажырлы еңбегі жоғары бағаланғаны атап өтілді. (ZKo)