Алматы облысындағы мектепті мұғалімдер жөндеуден өткізді ме? Тексеру қорытындысы әкімдікте жарияланды

Алматы облысы Қарасай ауданының әкімдігі ғимаратты жөндеуге ауыл мектебі мұғалімдерінің тартылғаны туралы ақпаратқа қатысты түсініктеме берді Мұғалімдер әлеуметтік желіде арыз қалдырған. Сондай-ақ олар аудиторияларға қажетті материалдарды өз қаражатына сатып алатынын, штатта жұмыс істемейтін мұғалім бар екенін айтты. Кезекші қызметкерлер жұмысқа таңғы 7.00-де келіп, 18.30-дан ерте шықпауға мәжбүр дейді Әкімдік аудандық білім бөлімі тексеріс жүргізді деп сендірді "Мұғалімдерді кәсіби қызметіне байланысты емес жұмысқа тарту, сондай-ақ жөндеу жұмыстарын жүргізуге мәжбүрлеу фактілері расталған жоқ. Бейнежазбада көрсетілген жұмыстар ауыл тұрғынының демеушілігі аясында 26-29 мамыр аралығында жүргізілді. Мектептің спорт залындағы радиаторларға қорғаныс торлары орнатылды. Бұл үшін дәнекерлеушілер тартылды", - делінген хабарламада Әкімдік еңбек тәртібін бұзу, сондай-ақ «өлі жандардың» бар-жоғы туралы ақпарат расталмағанын айтты Мектепте барлығы 166 мұғалім жұмыс істейді. Олардың 133-і 1 маусымнан бастап жыл сайынғы ақылы еңбек демалысында болса, тағы 33-і 1 шілдеден бастап демалады Мемлекеттік мекеме жағдайды объективті зерттеу мақсатында мұғалімдер арасында анонимді сауалнама жүргізгенін атап өтті. Оның қорытындысы бойынша еңбек заңнамасы мен жұмысшылардың құқықтарын бұзу анықталған жоқ Informburo.kz сайтынан сәйкес тақырыптар бойынша жаңалықтар мен материалдар