«Ақ үйде сіздің досыңыз бар». Тоқаев АҚШ Президентінің арнайы өкілін қабылдады

Қасым-Жомарт Тоқаев АҚШ Президентінің Оңтүстік және Орталық Азия бойынша арнайы өкілі Серджио Горды қабылдады, деп хабарлайды Ақорданың баспасөз қызметі Мемлекет басшысы Қазақстан-Америка ынтымақтастығының жоғары деңгейін атап өтіп, Америка Құрама Штаттарымен кеңейтілген стратегиялық әріптестікті одан әрі нығайтуға бейілділігін растады "Біз өзекті мәселелердің кең ауқымын талқылау мүмкіндігін жоғары бағалаймыз және маңызды пайдалы қазбалар бойынша С5+1 диалогына қатысуыңызды ерекше құптаймыз. Бұл Америка Құрама Штаттарының Қазақстанмен және бүкіл Орталық Азиямен ынтымақтастыққа беретін стратегиялық маңыздылығын көрсетеді. Сондай-ақ екіжақты байланыстарды дамытуға қосқан жеке үлестеріңізді де атап өткім келеді. Қазақстан Америка Құрама Штаттарымен әріптестік қарым-қатынасты одан әрі кеңейтуге ниетті. Президент Дональд Трампқа ең ізгі тілектерімді және шынайы құрмет сөздерімді жеткізудің бұл мүмкіндігі мен онымен жылдың соңында кездесуді асыға күтемін және Майамидегі G20 саммитіне қатысуға шақырғаным үшін алғысымды білдіргім келеді», - деді мемлекет басшысы Серджио Гор Қасым-Жомарт Тоқаевқа кездесуге мүмкіндік бергені үшін алғыс айтып, Президент Дональд Трамптың сәлемін жеткізді "Сіздің Ақ үйде досыңыз бар екеніне сендіре аламын. Президент Трамп сіздің жұмысыңызды жоғары бағалайды. Біз елдеріміздің мүддесі үшін өзара тиімді шешімдер табуға тырысамыз. Бұған АҚШ пен аймақ мемлекеттері арасындағы байланыстардың артып келе жатқан динамикасы дәлел. Тек соңғы бір жылдың ішінде уағдаластыққа қол жеткізілді және 20 миллиард доллардан астам келісімдер жасалды. Сондай-ақ жыл соңында өтетін G20 саммитіне қатысуыңызға қуаныштымын», - деді арнайы өкіл Әңгімелесушілер бірлескен сауда-экономикалық және инвестициялық жобаларды іске асырудың практикалық аспектілерін, сондай-ақ маңызды пайдалы қазбаларды, көлік-логистиканы, цифрландыруды және басқа да салалардағы ынтымақтастықтың басым бағыттарын қоса алғанда, өзара іс-қимыл перспективаларын талқылады Құрылтайшыларының бірі Қазақстан болып табылатын Бейбітшілік кеңесінің қызметіне ерекше көңіл бөлінеді. Мемлекет басшысы еліміздің халықаралық тұрақтылықты нығайтуға және гуманитарлық бастамаларды ілгерілетуге үлес қосуға дайын екенін растады Сондай-ақ өңірлік және жаһандық күн тәртібіндегі өзекті мәселелер бойынша пікір алмасу болды Кездесу қорытындысы бойынша көп қырлы Қазақстан-Америка ынтымақтастығын тереңдетуге өзара мүдделілік расталды Informburo.kz сайтынан сәйкес тақырыптар бойынша жаңалықтар мен материалдар